Պետր Չեխ.«Չելսիից» «Արսենալ»

Պետր Չեխը «Չելսիում» անցկացրած 11 տարիների ընթացքում իր մեծ ներդրումն է ունեցել ակումբի հաջողություններում: Նա լոնդոնյան ակումբի կազմում հաղթել է ամեն ինչ և արդարացիորեն դասվում է «Չելսիի» բոլոր ժամանակների լավագույն դարպասապահների շարքին:

Երբ 2004 թվականին Ռոման Աբրամովիչն ու Ժոզե Մոուրինյոն սկսեցին «հիմնադրել» մեր ժամանակների «Չելսին» , Պետր Չեխը այդ նախագծի կարևորագույն մասնիկներից մեկն էր համարվում: Նրա կարիերայում շատ են եղել դեպքեր , երբ նա իր բարձր կարգի և պրոֆեսիոնալիզմի շնորհիվ կարողացել է «Չելսիի» երկրպագուներին պարգևել հաղթական պահեր: Բավական է միայն հիշել Չեմպիոնների լիգայի 2011-2012 թթ եզրափակիչ խաղը` Մյունխենի «Բավարիայի» հետ: Այդ խաղում Պետր Չեխը իսկապես հերոսացավ: Հանդիպման 95-րդ րոպեին 1:1 հաշվի ժամանակ, նա հետ մղեց Արյեն Ռոբբենի  11 մետրանոց հարվածը:

                                           

 Բայց սա դեռ վերջը չէր: Արդեն հետխաղյա 11 մետրանոց հարվածաշարի ժամանակ հետ մղելով 2  հարված, Պետր Չեխը «Չելսիին» պարգևեց հին աշխարհի ֆուտբոլային ամենահեղինակավոր մրցաշարի հաղթական գավաթը. ընդմիշտ իր հետքը թողնելով ակումբի պատմության մեջ: 

Եվ այս ամենը մի մարդու մասին է, որը կարող էր նույնիսկ զրկվել կյանքից` հենց ֆուտբոլային խաղադաշտում, երբ 2006 թվականին «Ռեդդինգի» հետ արտագնա խաղում ստացավ գանգոսկրի կոտրվածք:

  2014-2015 մրցաշրջանում «Չելսիի» գլխավոր մարզիչ Ժոզե Մոուրինյոն, դարպասապահի դիրքում նախապատվությունը տվեց երիտասարդ  Տիբո Կուրտուային, այդպիսով Պետր Չեխին թողնելով պահեստայինների նստարանին: Սակայն բազմիցս  պորտուգալացի մասնագետը հիացմունքով է արտահայտվել  Չեխի հասցեին , հավելելով որ, իր համար հաճելի գլխացավանք է թիմի կազմում ունենալ երկու հզոր դարպասապահ: 

   Այստեղ չեխ դարպասապահը  կարողացավ ճիշտ լուծում տալ ստեղծված իրավիճակին և որոշեց ևս մեկ տարի մնալ իր հարազատ ակումբում` թեկուզ և՛ փոխարինողի կարգավիճակում: Արդյունքում. Չեխը այս մրցաշրջանում  «Չելսիի» հետ նվաճեց Անգլիայի Պրեմիեր լիգան և Անգլիայի լիգայի գավաթը, մասնակցելով  մեկ տասնյակից ավել հանդիպումների:

 Իսկ արդեն մրցաշրջանի ավարտից հետո եկավ մի պահ, երբ պետք էր ճիշտ որոշում կայացնել` հետագա կարիերայի  առումով , մնալ հարազատ ակումբում լինելով երկրորդը,  թե՞ տեղափոխվել այլ ակումբ և նորից դառնալ համար ԱՌԱՋԻՆԸ:

 Եվ ահա Պետր Չեխի կայացրած որոշումը հայտնի դարձավ  հանրությանը` 2015 թվականի հունիսի 29-ին, երբ նա պաշտոնապես դարձավ Լոնդոնի «Արսենալի» ֆուտբոլիստ:

Լսելով այս լուրը, միևնույնն է դժվար թե գտնվի գոնե մեկը , ով այս քայլը կհամարի դավաճանություն: Հասկանալով այն , որ «Չելսին» և «Արսենալը» լոնդոնյան թիմեր են, ավելորդ է նշել նրանց սկզբունքային մրցակից լինելու փաստը: Բայց Պետր Չեխը իր այս տեղափոխությունը այսպես կոչված «մրցակցի» ճամբար, անձամբ համաձայնեցրել է «Չելսիի» սեփականատեր Ռոման Աբրամովիչի հետ: Իսկ թե ինչու՞ հենց «Արսենալ»  միանգամայն պարզ է: Պետրը ցանկանում էր մնալ Անգլիայում, իսկ այստեղ այսօրվա դրությամբ կան 2-3 գրանդ ակումբներ, որոնք իրոք ունեին թոփ մակարդակի դարպասապահի կարիք, իսկ մեր հերոսը անկասկած դասվում է այդ շարքին: Այդ ակումբներն էին «Արսենալը», «Լիվերպուլը» և «Մանչեսթեր Յունայթեդը», եթե հաշվի առնենք այն, որ վերջինիս հիմնական դարպասապահ Դավիդ Դե Խեայի անունը վերջին ժամանակներս կապում են «Ռեալ Մադրիդի» հետ: Արդյունքում Պետր Չեխը որոշեց մնալ Լոնդոնում և համալրել «Արսենալի» կազմը` հասկանալով որ, թերևս այս պահի դրությամբ այս ակումբը թեկուզ մի փոքր, բայց միևնույնն է ավելի ուժեղ է` քան մյուս երկուսը:

  Ինչևէ, հաջողություն եմ  մաղթում Պետր Չեխին իր նոր ակումբում: Իսկ վերջում ուզում եմ Ձեզ ներկայացնել այն ֆուտբոլիստներին, ովքեր ԱՊԼ-ի պատմության ընթացքում կրկնել են Չեխի ճանապարհը, այսինքն Լոնդոնի «Չելսիից» տեղափոխվել են Լոնդոնի «Արսենալ»: Նրանք են Վիլյամ Գալլասը, Լասսանա Դիարրան և Իոսի Բենայունը: Վերջինս տեղափոխվել է վարձակալական հիմունքներով:

Ռահիմ Ստեռլինգի չվաստակած «ստեռլինգները»

Պետք է արդյոք բավարարել Ստեռլինգի քմահաճույքները կապված աշխատավարձի հետ: Մի քանի հանգամանք այն մասին որ չնայած իր մեծ տաղանդին Ստեռլինգը նույնիսկ երազներում իրավունք չունի պահանջելու «Լիվերպուլ»-ից 150 կամ առավել ևս 180 մլն ֆունտ ստեռլինգ հոնորար :
  Սկզբի համար մի քանի խոսք Ռահիմ Ստեռլինգի մասին: Անգլիացի տաղանդավոր ու հեռանկարային ֆուտբոլիստ, 20 տարեկան:Այս տարիքում արդեն իսկ հասցրել է դառնալ

«Լիվերպուլի» մեկնարկային կազմի խաղացող:Թիմի կազմում իր դեբյուտը նշել է 2012թ մարտի 24-ին: Այդ օրվանից ի վեր «Լիվերպուլի»  կազմում  ընդհանուր առմամբ մասնակցել է 129 հանդիպման դառնալով 23 գոլի և 22 գոլային փոխանցման հեղինակ: Հինգերորդ ամենաերիտասարդ ֆուտբոլիստն է ով դեբյուտը նշում է Անգլիայի ազգային հավաքականում 17 տարեկան 341 օրական: 2014 թվականին արժանացել է հանրահայտ «Golden Boy» մրցանակին,որը տրվում է Եվրոպայի լավագույն երիտասարդ ֆուտբոլիստին:Խոստովանեք, որ  կարդալով  վերնագիրը , հետո այս տողերը անհասկանալի է  թե ինչ կապ ունեն միմյանց հետ: Բայց արի ու տես որ լավ էլ կապ ունեն:

 Ըստ տարբեր աղբյուրների, Ռահիմ Ստեռլինգը շաբաթական վաստակում է 30-40 հազար ֆունտ ստեռլինգ:2014 թվականի դեկտեմբերին լուրեր տարածվեցին, որ «Լիվերպուլի» ղեկավարությունը սկսել է բանակցել երիտասարդ ֆուտբոլիստի հետ նոր պայմանագրի   առումով, ըստ որի պատրաստ է նրան առաջարկել շաբաթական 70 հազար ֆունտ ստեռլինգ: Ռահիմին  այդ առաջարկը չհետաքրքրեց: 2015 թվականի մայիս ամսից տեղեկություններ տարածվեցին, որ «Լիվերպուլը» պատրաստ է առաջարկել  100 հազար ֆունտ ստեռլինգ: Եվ այդ առիթով նույնիսկ հանդիպում էր նշանակված «Լիվերպուլի» գլխավոր մարզիչ` Բրենդան Ռոջերսի և ակումբի գլխավոր գործադիր  տնօրեն` Յան Էիրի հետ:Բայց  Ռահիմ Ստեռլինգն ու նրա գործակալ` Էիդի Վորդը փորձում էին «Լիվերպուլից» կորզել պայմանագիր` շաբաթական 150 – 180 հազար   ֆունտ  ստեռլինգ  աշխատավարձով:    Հանդիպումը նշանակված էր մայիսի 22-ին: Այդ օրերին Ռահիմ Ստեռլինգի BBC-ին տված հարցազրույցը  հայտնվեց համացանցում, որը շոկի մեջ գցեց բոլորին:Հարցազրույցի ժամանակ Ռահիմն ասել է, որ պատճառը բոլորովին էլ գումարը  չէ, այլ տիտղոսները: Ու սա ասում է մի քսանամյա ֆուտբոլիստ, ով Եվրագավաթներում անցկացրած 18 հանդիպումներում չի խփել և ոչ մի գոլ:

Նա այն ֆուտբոլիստն է, ում նկարները տարածվել էին համացանցում` որոնցում նա օգտագործում է նարգիլե և «զվարճացնող» գազ, այն ֆուտբոլիստն է, ով Անգլիայի ազգային հավաքականի գլխավոր մարզիչ Ռոյ Հոջսոնին խնդրել էր «Սան Մարինոյի» հետ խաղին իրեն դուրս չբերել խաղադաշտ. պատճառաբանելով, որ ինքը հոգնել է, իսկ մրցակիցը բոլորովին էլ ուժեղ չէ: Ու այսքանից հետո Ռահիմ Ստեռլինգի գործակալը հայտարարություն է անում ասելով, որ իր հաճախորդը չի երկարաձգի պայմանագրի ժամկետը «Լիվերպուլի» հետ(իդեպ այն ավարտվում է 2017 թվականին) անգամ 900 հազար ֆունտ ստեռլինգ աշխատավարձով:  Արդյունքում «Լիվերպուլը» չեղյալ համարեց նշանակված հանդիպումը` պայմանագրի վերանայման առումով: Այս իրադարձություններից փորձեց օգտվել «Մանչեսթեր Սիթին»  Ռահիմ Ստեռլինգի դիմաց «Լիվերպուլին» առաջարկելով սկզբում 25 հետո 40 մլն ֆունտ ստեռլինգ: Մերսիսայդյան ակումբը չընդունեց «քաղաքայինների» երկու առաջարկներն էլ: Խոսվում է այն մասին, որ ակումբը ցանկանում է Ռահիմ Ստեռլինգի վաճառքից ստանալ 50 մլն ֆունտ ստեռլինգ:

Այսպիսի դեպքերից հետո ակամայից հասկանում ես, որ ժոզե Մոուրինյոն ճիշտ էր նկատել ասելով.«Այսօրվա երիտասարդ ֆուտբոլիստների մեծամասնության մեջ, իրենց փոխարեն որոշումներ են կայացնում գործակալները` առաջնահերթ համարելով փողը»:

Մասսիմիլիանո Ալլեգրիի «Յուվենտուսը»

Ինչպես նախորդ երեք տարիներին այս տարի ևս, Իտալիա Ա սերիայի  չեմպիոնը Թուրինի «Յուվենտուսն» է: 2014 թվականի հուլիսի 15-ին ակումբը հայտարարեց, որ թիմի գլխավոր մարզիչ Անտոնիո Կոնտեն հրաժարական է տվել: Շատ  անսպասելի որոշում, որը կարելի է ասել ցնծեց ամբողջ Իտալիան: Չնայած դրան թիմի ղեկավարությունը կարողացավ շտապ հարցին լուծում տալ ու հենց հաջորդ օրը Մասսիմիլիանո Ալլեգրին, ով նախկինում մարզել էր «Կալյարին» ու «Միլանը» ստանձնեց թիմի ղեկը: Վերջինիս բարդ փորձություն էր սպասվում: Նա հասկանում էր, որ «Յուվենտուսի» գլխավոր նպատակը Չեմպիոնների լիգայում լավ հանդես գալն է, և հենց դա էին առաջին հերթին պահանջում Ալլեգրիից` երկրպագուներն ու  թիմի ղեկավարությունը:

  Անտոնիո Կոնտեից հետո, Ալլեգրին խելացի գործեց և մասշտաբային փոփոխություններ չկատարեց թիմում: Եվ ճիշտ էլ վարվեց, ինչու՞ քանդել այն, ինչն առանց այդ էլ լավ աշխատում է: Բայց թիմին թարմություն էր պետք: «Յուվենտուսը» կազմի հետ կապված խնդիրներ չուներ: Ամառային տրանսֆերային պատուհանի ժամանակ թիմը համալրեցին Պատրիս Էվրան և Ալվարո Մորատան: Այսպիսով ունենալով ֆուտբոլիստների ընտրության լայն հնարավորություն, Մասսիմիլիանո Ալլեգրին կատարեց շատ կարևոր փոփոխություն ` անցում 3-5-2 տակտիկական դասավորությունից դեպի 4-3-1-2: Այս քայլով «Յուվենտուսը» դարձավ ավելի ամուր, մարտունակ հատկապես Չեմպիոնների լիգայում, քանի որ, 4 պաշտպաններով խաղը այժմյան ֆուտբոլում ավելի պրակտիկ է համարվում:Բայց այս ամենին ժամանակ էր հարկավոր: Եվ Ալլեգրին աստիճանաբար կարողացավ հասնել արդյունքի` ստեղծելով այսպիսի թիմ:

2014-2015թթ մրցաշրջանի արդյունքներով «Յուվենտուսը» հաղթեց Իտալիայի առաջնությունը, Իտալիայի գավաթը, իսկ Չեմպիոնների լիգայում հասավ մինչև եզրափակիչ: Ու այս ամենը Մասսիմիլիանո Ալլեգրիի  կառավարման առաջին տարում: Այս ֆանտաստիկ ցուցանիշով վերջինս ավելի ամրապնդեց իր դիրքերը և կրկնապատկեց իր հանդեպ ունեցած վստահությունն ու հավատը «Յուվենտուսի» ղեկավարների մոտ:

 Ինչո՞վ է տարբերվում «Յուվենտուսը» մի շարք Եվրոպական թիմերից: Դե իհարկե տրանսֆերային քաղաքականությամբ:Դրա մասին են վկայում  Պոլ Պոգբայի և Արտուրո Վիդալի տրանսֆերները: Պոգբան «Յուվենտուս» է տեղափոխվել ազատ գործակալի կարգավիճակով , իսկ Վիդալը` 12 մլն եվրոյով: Այս պահի դրությամբ, ըստ հանրահայտ http://www.transfermarkt.de/ կայքի, Պոգբայի  տրանսֆերային արժեքը կազմում է 50 մլն եվրո, իսկ Վիդալինը` 42 մլն եվրո: Հաշվի առնելով, թե մեր օրերում ինչպիսի ահռելի գումարներ են պտտվում համաշխարհային ֆուտբոլում, այս թվերը հեշտությամբ կարող են կրկնապատկվել: Իսկ այս երկու ֆուտբոլիստները արդեն հասել են խաղային այն մակարդակին, երբ նրանցով հետաքրքրվում են այնպիսի գրանդ ակումբներ` ինչպիսիք են «Բարսելոնան», «Ռեալ Մադրիդը», «Պարի Սեն-Ժերմենը», «Մանչեսթեր Յունայթեդը» և «Չելսին»: Իսկ այս ակումբների համար այսպիսի գումարներ ծախսելը խնդիր չէ: 

 Մասսիմիլիանո Ալլեգրիի  «Յուվենտուսը» արդեն իսկ բարձր ակտիվություն է ցուցաբերել տրանսֆերային շուկայում: Թիմի շարքերը համալրել են `

1. «Էմպոլիի» պաշտպան Դանիելե Ռուգանին , 3.5մլն եվրո  

  Երիտասարդ կենտրոնական պաշտպան , որն այս մրցաշրջանում «Էմպոլիի» կազմում մասնակցել է Ա սերիայի բոլոր 38 հանդիպումներին և խփել 3 գոլ:              

                                                                    

2. «Ռեալ Մադրիդի» կիսապաշտպան Սամի Խեդիրան, ազատ գործակալ 

   Վնասվածքների պատճառով Սամի Խեդիրան «Ռեալ Մադրիդի» կազմում մասնակցեց Լա Լիգայի ընդամենը 11 հանդիպման: 

                                                           

                              

  3. «Պալեռմոյի» հարձակվող Պաոլո Դիբալան  , 32մլն եվրո                                                   21 ամյա ֆուտբոլիստի համար ֆենոմոնալ ցուցանիշ` Ա սերիայի 34 խաղում  13 գոլ և 12 գոլային փոխանցում:                                                                   

                

   
3. «Ատլետիկոյի» հարձակվող Մարիո Մանջուկիչը, 15մլն եվրո  

   «Ատլետիկոյի» կազմում Մանջուկիչը Լա Լիգայի 28 խաղերում խփել է 12 գոլ և կատարել 5 գոլային փոխանցում:   

               

   Բացի այս Ֆուտբոլիստներից Մասսիմիլիանո Ալլեգրին ցանկանում է ձեռք բերել ենթահարձակվողի: Հավանական տարբերակներից են. Օսկարը «Չելսի»-ից և Ստեֆան Յովետիչը «Մանչեսթեր Սիթի»-ից: 

  Արդեն իսկ «Յուվենտուսի»  ղեկավարները հայտնել են, որ ամենայն հավանականությամբ թիմը կլքեն Կառլոս Տևեսն ու Անդրեա Պիռլոն: Սպասենք և տեսնենք թե ինչպիսի տեսք կունենա Մասսիմիլիանո Ալլեգրիի «Յուվենտուսը» հաջորդ մրցաշրջանում:                                  

                       

         

                                  

                 

Ամերիկայի Գավաթ. Խմբային փուլի ամփոփում

 Ավարտվեց Ամերիկայի գավաթի 44-րդ խաղարկության խմբային փուլը: Արդեն հայտնի են 1/4 եզրափակչի զույգերը: Փորձենք ամփոփել արդյունքները:

Չիլի-Ուրուգվայ, Սանտյագոյի  «Ազգային» մարզադաշտ, հունիսի 25 ժամը   03:30                     

   Չիլիի հավաքականը   գերազանց տպավորություն թողեց խմբային փուլում: 3 խաղից հետո 2 հաղթանակ և 1 ոչ-ոքի: Թիմի գլխավոր մարզիչ Խորխե Սամպաոլին ի դեմս` Կլաուդիո Բռավոյի, Արտուրո Վիդալի ու Ալեքսիս Սանչեսի, կարողացել է ստեղծել այնպիսի մարտունակ թիմ, որն իրավունք ունի համարվելու այս մրցաշարի ֆավորիտներից մեկը: Նրա շնորհիվ թիմը կարողանում է խաղալ երկու տարբեր տակտիկական սխեմաներով`      4-3-1-2 և 3-4-3: Արտուրո Վիդալն իր  խփած 3 գնդակներով այս մրցաշարի գլխավոր ռմբարկուն է: 

 Ի տարբերություն Չիլիի, Ուրուգվայի հավաքականը այնքան էլ լավ հանդես չեկավ խմբային փուլում: 3 խաղում 1 հաղթանակ, 1 ոչ-ոքի, 1 պարտություն: Լուիս Սուարեսի բացակայությամբ թիմի գլխավոր մարզիչ Օսկար Տաբարեսը շատ լուրջ խնդիրների առաջ է կանգնել: Հարձակման գծի ֆուտբոլիստներ `էդինսոն Կավանին, Դիեգո Ռոլանն ու Աբել Էռնանդեսը դեռևս ոչ մի գոլ չեն խփել այս մրցաշարում: Կավանին ընդհանրապես անճանաչելի է: Նրանից շատ մեծ սպասելիքներ ունեին և երկրպագուները և թիմի գլխավոր մարզիչը:                               

Բոլիվիա-Պերու, Տեմուկոյի  «Հերման Բեկեր» մարզադաշտ, հունիսի 26 ժամը 03:30  

  Պերուի հավաքականը 3 խաղից հետո ունի 1 հաղթանակ, 1 ոչ-ոքի , 1 պարտություն: Իր կարգի համեմատ լավ ցուցանիշ, որը թիմին թույլ տվեց դուրս գալու այս մրցաշարի 1/4 եզրափակիչ: Թիմի գլխավոր մարզիչ Ռիկարդո Գարեկան իր տրամադրության  տակ ունի այնպիսի  ֆուտբոլիստներ` ինչպիսիք են Կլաուդիո Պիսսարոն, Ջեֆերսոն Ֆարֆանն ու Քրիստիան Կուեվան: 

 Բոլիվիայի հավաքականը իսկական անակնկալ մատուցեց խմբում գրավելով 2-րդ հորիզոնականը: Չունենալով թիմի կազմում աստղերի Մաուրիսիո Սորիան կարողացավ իր համեստ թիմով ապահովել արդյունք և դուրս բերել թիմին 1/4 եզրափակիչ:

Արգենտինա-Կոլումբիա,Վինյա-դել-Մարի «Սաուսալիտո» մարզադաշտ, հունիսի 27 ժամը 03:30

   Արգենտինան մրցաշարը այնքան էլ լավ չսկսեց: Առաջին հանդիպման ժամանակ ունենալով երկու գնդակի առավելություն, չկարողացավ պահել հաղթական հաշիվը: Բայց մյուս երկու խաղերում նվազագույն հաշվով հաղթանակները Խերարդո Մարտինոյի թիմին ապահովեցին խմբում առաջին հորիզոնականը: Ունենալով թե՛ լավ մեկնարկային կազմ (Մեսսի,Ագուերո,Դի Մարիա, Պաստորե),  թե՛ լավ պահեստայինների  նստարան   (Տևես, Լամելա, Իգուային), Արգենտինայի հավաքականը համարվում է Ամերիկայի գավաթի այս խաղարկության գլխավոր ֆավորիտը: 

Կոլումբիայի հավաքականը խմբային փուլի 3 խաղում գրանցելով 1 հաղթանակ , մեկ ոչ-ոքի և 1 պարտություն, բարդացրեց ոչ միայն իր, այլ նաև Արգենտինայի հավաքականի գործերը: Հարձակման գծում ունենալով այնպիսի հանրաճանաչ ֆուտբոլիստներ ինչպիսիք են Ֆալկաոն, Բակկան, Մարտինեսը,Կւադրադոն ու Խամեսը , Խոսե Պեկերմանի թիմը  անցկացրած 3 խաղում խփել է  1 գնդակ, որը իր հաշվին գրանցել է թիմի պաշտպան Ջեյսոն Մուրիլյոն:      
Բրազիլիա-Պարագվայ,Կոնսեպսիոնի «Մունիսիպալ» մարզադաշտ, հունիսի 28 ժամը  01:30 
    

 Բրազիլիայի հավաքականը խմբային փուլում անցկացրած 3 հանդիպումներում գրանցեց հետևյալ արդյունքը`2 հաղթանակ և 1 պարտություն: Գլխավոր մարզիչ Դունգան լուրջ կադրային կորուստ ունի: Կոլումբիայի հետ խաղում տեղի ունեցած հրմշտոցից հետո, 4 խաղով որակազրկվել է թիմի ավագ, թիմի  գլխավոր աստղ Նեյմարը: Այն, որ այսօրվա Բրազիլիայի հավաքականը կախված է Նեյմարի խաղից. դա փաստ է, չնայած  խմբային փուլի վերջին խաղում Բրազիլիան առանց Նեյմարի կարողացավ հաղթել Վենեսուելային: Այդուհանդերձ թիմում կան ֆուտբոլիստներ, որոնք իրենցից լուրջ ուժ են ներկայացնում`  Վիլիան, Կոուտինյո, Ֆիրմինո:

 Պարագվայի հավաքականը  խմբային փուլում անսպասելիորեն լավ հանդես եկավ: 1 հաղթանակ և 2 ոչ-ոքի: Ռամոն Դիասի  սաները Արգենտինայի հետ  խաղում  հաշվի մեջ պարտվելով 2 գնդակի տարբերությամբ,  հերոսական ձևով կարողացան  խուսափել պարտությունից: Թիմի կազմում կան այնպիսի ֆուտբոլիստներ ինչպիսիք են` Ռաուլ Բոբադիլիան, Նելսոն Վալդեսը և թիմի ավագ Ռոկե Սանտա Կրուսը:

«Բարսելոնայի» նոր դարաշրջանը

Պեպ Գվարդիոլայի գլխավորությամբ «Բարսելոնան» 4 տարվա ընթացքում վաստակեց 14 տիտղոս: Ֆենոմենալ արդյունք, որը թվում էր թե հնարավոր չէ գերազանցել : Առավել ևս, որ նրան հաջորդող երկու մարզիչները`Խերարդո Մարտինոն և երջանկահիշատակ Տիտո Վիլանովան, չհրաժարվեցին Պեպի տակտիկական գաղափարներից :Երկուսն էլ փորձեցին թիմի գլխավոր զենքը թողնել «տիկի-տական»: Գնդակի անվերջ խաղարկում մրցակցի կիսադաշտում այնքան, որ մրցակցի ֆուտբոլիստներն ուղղակի շփոթության մեջ էին ընկնում:Բայց  մրցակիցները արդեն կարողացել էին հակախաղ գտնել: Դա էր պատճառը, որ «Բարսելոնան» ՉԼ-ում ձախողվեց, թե՛ Վիլանովայի գլխավորությամբ («Բավարիայից» կրած պարտությունը 2013 թվականին կիսաեղրափակիչում ընդհանուր 7:0 հաշվով), թե՛ Մարտինոյի գլխավորությամբ («Ատլետիկոյից» կրած պարտությունը 2014 թվականին կիսաեզրափակիչում ընդհանուր 1:0 հաշվով ):

 «Բարսելոնային» փոփոխություն էր անհրաժեշտ: Պետք էր մի նոր ուժ, որը կվերադարձներ ակումբի սասանված հեղինակությունը. հատկապես Չեմպիոնների լիգայում: Եվ 2014 թվականի Մայիսի 19-ին պաշտոնապես հայտարարվեց, որ «Բարսելոնայի» գլխավոր մարզիչ է նշանակվել թիմի նախկին ֆուտբոլիստ Լուիս Էնրիկեն: Մի փոքր անհասկանալի որոշում, քանի որ, վերջինիս մարզչական կարիերան այդքան էլ հարուստ չէր: Նա ուղղակիորեն տապալվեց «Ռոմայում», 2011-2012 մրցաշրջանում թիմի հետ զբաղեցնելով 7-րդ հորիզոնականը: Դրանից հետո դրական տեղաշարժ նկատվեց «Սելտան» գլխավորելու ժամանակահատվածում: Բացի այդ Էնրիկեն ուներ առավելություն, քանի որ երեք տարի 2008-2011 թվականների ընթացքում գլխավորել էր «Բարսելոնա Բ»-ն: 

 Ինչևէ Լուիս Էնրիկեն իր աշխատանքը սկսեց բավականին լավ: Լա Լիգայում անցկացրած առաջին 8 հանդիպումներում «Բարսելոնան» իր դարպասն անառիկ էր պահել : Հաղթել էր 7 խաղում և 1 հանդիպում էլ ավարտել ոչ-ոքի:Երկրպագուները դեռևս չէին շտապում աստվածացնել Էնրիկեին. առջևում Էլ Կլասիկոն էր: 

 2014 թվականի հոկտեմբերի 25-ին «Բարսելոնան» Լա Լիգայում կրեց իր առաջին պարտությունը Լուիս Էնրիկեի գլխավորությամբ:

 Սրան անմիջապես հետևեց երկրորդ անհասկանալի պարտությունը «Կամպ Նոու» մարզադաշտում «Սելտայից»` Լուիս Էնրիկեի նախկին թիմից: Սկսվեցին դժգոհություններ երկրպագուների կողմից: Թիմը զգաստացավ, առաջին տեղով դուրս եկավ ՉԼ-ի խմբային փուլից և կարողացավ 2014 թվականը ուրախ նոտայով ճանապարհել: 

2015 թվականի Հունվարի 5-ին «Բարսելոնան»   «Անոետա» մարզադաշտում մրցեց «Ռեալ Սոսյեդադի» հետ : Հանդիպման հենց սկզբում`2-րդ րոպեին, Ժորդի Ալբայի ինքնագոլի շնորհիվ բասկյան ակումբը առաջ անցավ հաշվի մեջ և կարողացավ պահել այդ հաղթական հաշիվը:

 Արդյունքում «Բարսելոնան» տարին սկսեց պարտությամբ , բայց ով կմտածեր, որ հենց այդ պարտությունը կօգներ թիմին հասնելու փառահեղ հաղթանակների:

«Բարսելոնան» անցկացրել էր գրեթե երկու տասնյակից ավելի հանդիպում, որոնցում անընդհատ փոխվում էր թիմի մեկնարկային կազմը: Այս խաղից հետո նույնիսկ Լեո Մեսսին հրապարակավ հայտարարեց, որ Էնրիկեն անընդհատ փոփոխություններ է կատարում թիմի խաղում , որն էլ խանգարում է ֆուտբոլիստներին: Բայց ամեն ինչ շատ պարզ էր: Երևում էր ,որ Լուիս Էնրիկեն  ինչ-որ փնտրտուքների մեջ է : Նա փորձում էր ստեղծել մի նոր թիմ, որում պետք էր ներառել թիմի նորեկ Լուիս Սուարեսին, պետք էր ազատվել Չավիի խաղից ունեցած կախվածությունից և նրա փոխարեն ներդնել թիմի մեկ այլ նորեկ Իվան Ռակիտիչին:

  Հաջորդ հանդիպումր հունվարի 12-ին էր «Ատլետիկոյի» հետ: Թէ ինչ տեղի ունեցավ «Բարսելոնայի» հետ այդ մեկ շաբաթվա  ընթացքում  անհասկանալի է : Բայց այն, որ այդ խաղով սկսվեց «Բարսելոնայի» նոր դարաշրջանը. դա փաստ է :

Հանդիպումն ավարտվեց 3:1 հաշվով ու հատկանշական է , որ թիմի գոլերը խփեցին ` Մեսսին, Նեյմարը, Սուարեսը:

 Թիմի խաղը արդեն հասկանալի դարձավ: Նվազեց գնդակին տիրելու տոկոսային հարաբերությունը, և շեշտը դրվեց հարձակման գծի լատինամերիկյան եռյակին գնդակ հասցնելուն: Նաև Լուիս Էնրիկեն կարողացավ մի հետաքրքիր փոփոխություն կատարել, ըստ որի Մեսսին ոչ միայն սկսեց շատ գոլեր խփել, այլ որ ամենակարևորն է սկսեց շատ գոլային փոխանցումներ կատարել:

 Դրանից հետո «Բարսելոնան»  բոլոր մրցաշարերում միասին վերցրած անցկացրեց 33 հանդիպում գրանցելով 29 հաղթանակ , 2 ոչ-ոքի, 2 պարտություն: Խելահեղ ցուցանիշ,որը ակումբին բերեց «ոսկե հետ-տրիկ»:

 Եվ այսպես երիտասարդ , ամբիցիոզ Լուիս Էնրիկեն կարողացավ ստեղծել այնպիսի թիմը, որն արդեն իսկ լուրջ հայտ է ներկայացրել ոչ միայն հավասարվելու Պեպի թիմին այլ նաև գերազանցելու : 

Եվս մեկ շանս Ֆալկաոյին

Ըստ բրիտանական լրատվամիջոցների «Մոնակոյի»  և Կոլումբիայի ազգային հավաքականի հարձակվող Ռադամել Ֆալկաոն` ով այս մրցաշրջանը վարձակալական հիմունքներով անցկացրեց «Մանչեսթեր Յունայթեդում», մոտ օրերս պաշտոնապես կտեղափոխվի Լոնդոնի «Չելսի»: Թե ինչու՞ «Չելսի», դժվար չէ կռահելը: Լոնդոնցիների գլխավոր մարզիչ Ժոզե Մոուրինյոն օրեր առաջ կայացած մամուլի ասուլիսի ժամանակ ասել է.

-  Ինձ  համար ցավալի է լսել այն մարդկանց , ովքեր կարծում են, որ Ֆալկաոն «Մանչեսթեր Յունայթեդում» ցուցադրեց իր հնարավորությունների մաքսիմումը: Եթե ես կարողանամ օգնել նրան վերադառնալ իր նախկին մակարդակին,ապա դա անպայման կանեմ »:

 Այստեղից պարզ է դառնում, որ այս տեղափոխության մեջ կարևոր դեր է խաղացել Ժոզե Մոուրինյոն: 

Ռադամել Ֆալկաոյի համար այս մրցաշրջանը այնքան էլ լավ չդասավորվեց: Մանկունիացիների կազմում  նա անցկացրեց 26 հանդիպում` խփելով 4 գոլ և կատարելով 5 գոլային փոխանցում: Համեմատության համար «Ատլետիկոյի» կազմում անցկացրած վերջին մրցաշրջանում Ֆալկաոն մասնակցել էր 34 հանդիպման և դարձել 28 գոլի հեղինակ: Դժվար է ասել, թե՞  ինչն էր  վերջինիս վատ խաղի պատճառը: Միգուցե ադապտացվելու խնդիր կար նոր երկրում, նոր առաջնությունում, կամ մարզչի կողմից չկար վստահություն:  Ինչևէ, այդ ամենն արդեն անցյալում է :Հիմա Ֆալկաոն նոր մարտահրավեր  է ընդունել , որը փառքով հաղթահարելու համար նրան կօգնի «Յուրահատուկը»` Ժոզե Մոուրինյոն:  Մարդ, ո՛վ կարողանում է քաղել առավելագույնը ֆուտբոլիստից: Մարդ, ո՛վ կարողանում է խաղացողին մոտիվացնել այնպես. ինչպես ուրիշ ոչ ոք: Նրանց միջև լեզվական արգելքներ չկան: Երկուսն էլ լավ տիրապետում են և՛ անգլերենին, և՛ թե իրենց մայրենի լեզվին` պորտուգալերենին:

  Ֆալկաոն գիտակցելով, որ  հնրավոր է չլինի մեկնարկային կազմի խաղացող` քանի որ, Մոուրինյոյի թիմը խաղում է  մեկ կենտրոնական հարձակվողով` որն է Դիեգո Կոստան,  համաձայնեց նույնիսկ աշխատավարձի կրճատմանը: 

Հնարավոր է առողջ մրցակցությունը խթանի նրա խաղի արդյունավետությանը:Սպասենք և հուսանք ,որ  Ֆալկաոն կարդարացնի Մոուրինյոյի հույսերը: 

Լավագույններից լավագույնը: Ջոն Թերրի

Ջոն Թերրին արդեն 34 տարեկան է: Նրա դեբյուտը <<Չելսիի>> կազմում տեղի ունեցավ 1998 թվականի հոկտեմբերի 28-ին Անգլիայի Լիգայի Գավաթի խաղարկությունում` <<Ասթոն Վիլլայի>>  հետ խաղում:Անցել է մոտավորապես 17 տարի այդ օրվանից,և այս ընթացքում Թերրի կարիերայում եղել են և՛ հաջողություններ ,և՛ հիասթափություններ: Այս ժամանակահատվածում նա <<Չելսիի>> հետ շահել է գրեթե բոլոր տիտղոսները: Բնականաբար նայելով նրա տարիքին շատերը մտածում էին, որ Ջոնը արդեն հիմնական կազմի խաղացող չէ, իսկ <<Չելսիի>> նախկին մարզիչներից մեկը նույնիսկ  ասել էր, որ նա ի վիճակի չէ շաբաթվա ընթացքում 2 խաղ անցկացնել:Ոչ մեկի համար էլ գաղտնիք չէ, որ այդ  անձնավորությունը Ռաֆայել Բենիտեսն է: Վերջինս լոնդոնյան ակումբը ղեկավարել է 2012-2013 մրցաշրջանի ընթացքում:Դրանով էլ բացատրվում է այն հանգամանքը, որ Թերրին տվյալ մրցաշրջանում անցկացրել է ընդամենը 14 հանդիպում Անգլիայի Պրեմիեր Լիգայում:

                       

    Ամեն ինչ փոխվեց 2014 ամռանը, երբ պարզ դարձավ, որ Ժոզե Մոուրինյոն արդեն իր կարիերայում երկրորդ անգամ ստանձնում է << Չելսիի>>  ղեկը: Հենց այստեղից էլ սկսվեց Ջոն  Թերրիի երկրորդ երիտասարդությունը:  Կարծում եմ հասկացաք, որ այս ամենի <<մեղավորը>>  հենց Մոուրինյոն է: Յուրահատուկի գալուց ի վեր  Թերրին զգաց այն մեծ վստահությունը, որը կար 2004-2007 թվականների ընթացքում, երբ նա ավագի կարգավիճակով ապահովում էր իր թիմի պաշտպանական գծի կայունությունը:

   2013-2014 մրցաշրջանի ընթացքում << Չելսին>>  կազմի հետ լուրջ խնդիրներ ունենալով չկարողացավ տիտղոս նվաճել. չնայած այն հանգամանքի, որ գրեթե մինչև վերջ պայքարեց << Մանչեսթեր Սիթիի>> հետ Անգլիայի Պրեմիեր Լիգայում, իսկ Չեմպիոնների Լիգայում հասավ մինչև կիսաեզրափակիչ: Ջոն Թերրին մասնակցեց ընդհանուր առմամբ 45 հանդիպման, 34-ը` ԱՊԼ-ում, 11-ը` ՉԼ-ում: Նրա գլխավորությամբ <<Չելսին>> այդ մրցաշրջանում ԱՊԼ-ում բաց թողեց ընդամենը 27 գնդակ` ֆենոմալ ցուցանիշ, որով շատ քիչ ակումբներ կարող են հպարտանալ: Մրցաշրջանի ավարտից հետո շատերը սկսեցին եզրակացություններ անել, որ Թերրին հաջորդ մրցաշրջանում այլևս մեկնարկային կազմի խաղացող չի լինի: Բայց այստեղ ևս միջամտեց Ժոզե Մոուրինյոն:Կրկնապատկելով կամ նույնիսկ եռապատկելով իր վստահությունը Թերրիի հանդեպ, վերջինիս մոտիվացրեց դեպի  հետագա հաղթանակները:

   

 2015 թվական Մայիսի 3: Լոնդոնի << Ստեմֆորդ  Բրիդջ>> մարզադաշտը լեփ-լեցուն է հանդիսականներով: Պատճառը հնարավոր չեմպիոնությունն էր: <<Չելսին>>  Անգլիայի Պրեմիեր Լիգայի 35-րդ տուրում մրցում էր << Կրիստալ Փելասի>> հետ: Հաղթանակը այդ խաղում արիստոկրատներին թույլ կտար առաջնության ավարտից 3 տուր շուտ չեմպիոն դառնալու: Ինչն էլ բնականբար տեղի ունեցավ: Ջոն Թերրին չորրորդ անգամ հռչակվեց Անգլիայի չեմպիոն: Բայց նրա առաքելությունը դեռ ավարտված չէր:

   2015 թվականի Մայիսի 10-ը   առանձնահատուկ օր դարձավ Թերրիի կյանքում: Այդ օրը <<Չելսին>>  խաղալու էր <<Լիվերպուլի>> դեմ : Մոուրինյոն խաղից առաջ նշել էր, որ Ջոնը ցանկություն է հայտնել խաղալու մրցաշրջանի մնացած բոլոր երեք խաղերում:

Հանդիպման 5-րդ րոպեին արիստոկրատները վաստակեցին անկյունային հարվածի իրավունք: Ֆաբրեգասի կատարած փոխանցումից հետո Ջոն Թերրին գլխի հարվածով գնդակն ուղարկեց << Լիվերպուլի>> դարպասը և այդպիսով դարձավ Անգլիայի Պրեմիեր Լիգայի բոլոր ժամանակների ամենաարդյունավետ պաշտպանը` 39 գոլով:Բայց սա էլ դեռ ամենը չէր:

    2015 թվական Մայիսի 24: <<Չելսին>> անցկացնում է առաջնության վերջին հանդիպումը <<Սանդերլենդի>> հետ << Ստեդիում օֆ Լայթ>> մարզադաշտում: Թերրին խաղադաշտում անցկացնելով հանդիպման բոլոր 90 րոպեները թարմացնում է ևս մեկ ռեկորդ:Նա դառնում է ԱՊԼ-ի պատմության մեջ երկրորդ ֆուտբոլիստը, ով չեմպիոնական մրցաշրջանում անցկացնում է առաջնության բոլոր 38 հանդիպումները առանց փոխարինման: Նրանից առաջ նման հաջողության հասել էր << Մանչեսթեր Յունայթեդի>>   ֆուտբոլիստ Գարի Պալիստերը 1992-1993 մրցաշրջանում: