ԵՎՐՈ 2016. Դիդյե Դեշամ` վատ սցենարիստը

Ֆրանսիայի ազգային հավաքականը տնային Եվրո 2016-ի եզրափակչում պարտվեց Պորտուգալիայի համեստ հավաքականին, ընդ որում պորտուգալացիները խաղի մեծ մասն անցկացրին առանց իրենց ընդգծված առաջատար Կրիշտիանու Ռոնալդուի: Ինչ խոսք, այս պարտությունը պետք է դաս լինի Դիդյե Դեշամի համար: Որքան էլ որ զարմանալի է, բայց շատ քիչ կարծիքներ հնչեցին Ֆրանսիայի ազգային հավաքականի դժգույն խաղի վերաբերյալ: Այդ պատճառով էլ, հիմա կվերլուծենք Դիդյե Դեշամի ընտրած տակտիկան և կընդգծենք մի քանի առանցքային կետեր, որոնք ուղղակիորեն ազդեցին ֆրանսիացիների խաղի վրա:

Մեկնարկային կազմը

 Դեշամը ընտրել էր 4-4-2 տակտիկական սխեման. Լյորիս - Սանյա, Կոսյելնի, Ումտիտի, Էվրա - Սիսոկո, Մատյուիդի, Պոգբա, Պայետ - Ժիրու, Գրիզման: Առաջին հայացքից մարտունակ կազմ, սակայն... Ավելի խորը ուսումնասիրելով կնկատենք, որ կան մի շարք թերություններ: Հաշվի առնելով, որ Պայետը նախորդ խաղում այդքան էլ լավ հանդիպում չանցկացրեց, կարելի էր սպասել, որ այս խաղում նա կլիներ պահեստայինների նստարանին: Առավել ևս, որ կային Դիմիտրիին փոխարինելու նվզագույնը երկու թեկնածուներ՝ Անտոնի Մարսիալն ու Կինգսլի Կոմանը: Ինչևէ, Պայետը խաղը սկսեց մեկնարկային րոպեներից և բացի Ռոնալդուի հետ կոշտ պայքար մղելուց, ոչնչով աչքի չընկավ:

Հենակետային կիսապաշտպանի բացակայությունը

 Ֆրանսիայի հավաքականը 1/4, 1/2 և եզրափակիչ փուլերի հանդիպումները անցկացրեց նույն մեկնարկային կազմով, և որ ամենակարևորն է՝ առանց մաքուր հենակետային կիսապաշտպանի: Այդ բոլոր խաղերում հենակետայինի դիրքում էին Պոլ Պոգբան և Բլեզ Մատյուիդին: Ու ընդամենը մեկ մաքուր հենակետային կիսապաշտպանի բացակայությամբ տուժեց Ֆրանսիայի հավաքականի խաղը և՛ պաշտպանական, և՛ հարձակողական գործողությունների ժամանակ: Պոգբան Պորտուգալիայի հետ խաղի ընթացքում ավելի շատ շարժումներ կատարեց ձեռքերով, քան ոտքերով: Ամբողջ խաղի ընթացքում Պոգբան խաղընկերներին ցուցումներ էր տալիս, թե ինչպես պետք է կազմակերպել խաղն առջևի գծում: Նա խաղում էր հենակետայինի դիրքում, որտեղից շատ դժվար է դրական կերպով ազդել թիմի հարձակողական գործողությունների վրա: Նույնը վերաբերում է նաև Բլեզ Մատյուիդիին: Նա նույնպես չգիտեր կենտրոնանալ հարձակմա՞ն, թե՞ պաշտպանության վրա:
 Հետևություն. Դեշամը սահմանափակել էր դաշտի կենտրոնում իր կիսապաշտպանների գործողությունները: 

Բաց թողած գոլը` հենակետային գոտու անպաշտպանության արդյունք Պորտուգալիայի հավաքականի գոլը ծնվեց Բակարի Սանյայի անգրագրետ եզրային նետումից: Հասկանալի է, որ մարզիչները նման դեպքերում հրահանգում են, որ եզրային նետումները կատարվեն ուղղահայաց դեպի առաջ, բայց գնդակն ուղարկել այն հատված, որտեղ խաղընկերդ շրջափակված է մրցակցի մի քանի ֆուտբոլիստներով` առնվազն անմտություն է, առավել ևս, որ Սանյան իր դիմաց ուներ երկու ազատ խաղընկեր: Եզրային նետումից հետո Գրիզմանը կորցնում է գնդակն ու այստեղից սկվում է ամենազավեշտալին. Մուսա Սիսոկոն տեղում կանգնած հրահանգներ է տալիս խաղընկերներին`պրեսսինգի դիմելու փոխարեն: Այնուհետև, Մոուտինյոն գնդակը փոխանցում է Էդերին և Ֆրանսիայի հավաքականի հենակետային գոտու «պահապանները» ոչ միայն չեն դիմավորում մրցակցի հարձակվողին, այլև հետևում են, թե վերջինս ինչպես է ազատվում Լորան Կոսյելնիի հետապնդումից և, դուրս գալով հարվածային դիրք, գրավում է Ուգո Լյորիսի պաշտպանած դարպասը: Բաց թողած գոլի համար ֆուտբոլիստներից բացի մեծ մեղավորություն ունի Ֆրանսիայի հավաքականի գլխավոր մարզիչ Դիդյե Դեշամը: Նա պետք է նկատեր, որ ավելացված ժամանակի հենց առաջին խաղակեսից, պորտուգալացիները սկսել են ճնշում գործադրել և պետք է արձագանքեր փոփոխությամբ, կամ խաղադաշտում ինչ-որ տեղափոխություններ կատարեր: Փոփոխությունների առումով Դեշամը ընդհանրապես ձախողվեց: Իհարկե, եթե փոխարինման դուրս եկած Ժինյակը հանդիպման վերջնամասում դառնար գոլի հեղինակ, այդժամ այս խոսակցությունները չէին լինի, բայց չդարձավ... Սկսած հանդիպման 80-րդ րոպեից՝ Մուսա Սիսոկոն արդեն լիովին ուժասպառ էր եղել: Չէր կարողանում օգնել ո՛չ պաշտպաններին, ո՛չ էլ կիսապաշտպաններին: Այս դեպքում անհասկանալի է մնում, թե ինչո՞ւ Դեշամն իր վերջին փոփոխությունը կատարեց ոչ թե 80-ից 110-րդ րոպեների միջակայքում, այլ գոլ բաց թողնելուց անմիջապես հետո: Մի՞թե Անտոնի Մարսիալը այդպիսի ճնշման տակ կարողանալու էր ինչ-որ բան փոխել: Հետևություն. Դեշամը բացի տակտիկական սխալներից, ձախողեց նաև վերջին փոփոխությունը:

 Ամենից շատ զարմացնում է այն փաստը, որ, թիմում ունենալով Նգոլո Կանտեի նման ունիկալ հենակետային կիսապաշտպան, Դիդյե Դեշամը չօգտվեց նրա ծառայություններից այսպիսի պատասխանատու խաղում: Կանտեն այն ֆուտբոլիստների թվին է պատկանում, որոնց չի հուզում ո՛չ ճնշումը, ո՛չ մրցակիցը: Նա դուրս է գալիս խաղադաշտ հստակ առաքելությամբ` մրցակցից խլել գնդակը: Իսկ դա, հավատացե՛ք, նրա մոտ հիանալի է ստացվում: Բացի այդ, նա շատ արագ է և ճկուն: Իսկ «Լեսթերում» նրա խաղերին հետևելու ընթացքում համոզվել ենք, որ գրոհներ սկսելու գործում ևս Կանտեն դժվարություններ չի ունենում:
Հետևություն. Նգոլո Կանտեի բացակայությունը ուղղակիորեն ազդեց Ֆրանսիայի հավաքականի խաղի վրա: 

Ամեն դեպքում, արդեն պաշտոնապես հաստատվել է, որ Դեշամը կմնա Ֆրանսիայի հավաքականում և թիմին կպատրաստի 2018 թ. Աշխարհի առաջնությանը: Տեսնենք, թե ինչ հետևություններ կանի ֆրանսիացի մասնագետն այս ձախողումից:


                                                                                           Միհրան Ալեքսանյան

Մոուրինյոյի և Մխիթարյանի նորամուտը «Մանչեսթեր Յունայթեդում»

Անգլիական «Մանչեսթեր Յունայթեդն»  արդեն սկսել է պատրաստվել գալիք մրցաշրջանին: Թիմի նորանշանակ գլխավոր մարզիչ Ժոզե Մոուրինյոն  առաջին իսկ ընկերական խաղում  մեկնարկային կազմում տեղ հատկացրեց մանկունիացիների նորեկներ Էրիկ Բայիին և Հենրիխ Մխիթարյանին:
 Ժոզե Մոուրինյոն այս խաղի համար ընտրել էր 4-2-3-1 տակտիկական սխեման: Էրիկ Բային` Դեյլի Բլինդի հետ, խաղում էր պաշտպանության կենտրոնում, իսկ Հենրիխ Մխիթարյանը` 10 համարի դիրքում:
Հայազգի ֆուտբոլիստը խաղադաշտում անցկացրեց ամբողջ առաջին խաղակեսը: Մխիթարյանի նորամուտը կարելի է ստացված համարել: Նա 45 րոպեների ընթացքում աչքի ընկավ մի քանի սուր փոխանցումներով: Երեք անգամ մրցակցից գնդակ խլեց և, երկու անգամ էլ դրիբլինգի դիմելով, շրջանցեց մրցակցի երեք ֆուտբոլիստների: Ընդհանուր առմամբ, ակտիվ էր և անընդհատ տեղաշարժվում էր:
 Ընդմիջման ժամանակ Մոուրինյոն միանգամից 7 փոփոխություն կատարեց: Փոխարինվողների թվում էր նաև Մխիթարյանը, ով խաղադաշտում իր տեղը զիջեց Խուան Մատային: Վերջինս նույնպես լավ հանդիպում անցկացրեց` աչքի ընկնելով գոլային փոխանցումով:
 Փաստացի Մխիթարյանն ու Մատան համարվում են մրցակիցներ` մեկնարկային կազմում տեղ զբաղեցնելու համար: Բայց դա այն դեպքում, երբ իսպանացի ֆուտբոլիստը մնա թիմում:
 Երկրորդ խաղակեսում «Մանչեսթեր Յունայթեդի» ֆուտբոլիստները կարողացան երկու գնդակ ուղարկել մրցակցի դարպասը: Գոլերի հեղինակ դարձան Ուիլ Քինն ու Անդրեաս Պերեյրան: Վերջինիս խաղը իրոք տպավորիչ էր, քանզի լինելով եզրային կիսապաշտպան, նա այս խաղն անցկացրեց կենտրոնական կիսապաշտպանի դիրքում: Նմանատիպ ևս մեկ փորձարկում Ժոզեն կատարեց հանդիպման վերջնամասում, երբ եզրային պաշտպան Գիլյերմե Վարելային դուրս բերեց խաղադաշտ` որպես հենակետային:
Հիանալի  հանդիպում անցկացրեց նաև թիմի մյուս նորեկ` կենտրոնական պաշտպան Էրիկ Բային: Շատ հանգիստ, վստահ, սառնասիրտ: Նա խաղաց 70 րոպե, որի ընթացքում պաշտպանության կենտրոնում զույգ կազմեց նախ Դեյլի Բլինդի, իսկ հետո Ֆիլ Ջոնսի հետ:
Ընդհանուր առմամբ, լավ խաղ ստացվեց: Երևում էր, որ Մոուրինյոն փորձարկումներ է կատարում ֆուտբոլիստների դիրքերի հետ կապված: Ժոզեի դավանած փիլիսոփայության վերաբերյալ առավել հստակ պատկերացում կկազմենք միայն այն ժամանակ, երբ պորտուգալացի մասնագետի տրամադրության տակ լինեն թիմի բոլոր ֆուտբոլիստները: Քանզի, Անտոնի Մարսիալը, Ուեյն Ռունին, Մարկուս Ռեշֆորդը, Զլատան Իբրահիմովիչն ու Քրիս Սմոլինգը մեծ դերակատարություն են ունենալու  «Յուրահատուկի» թիմում:

Կարևորն այն է, որ Հենրիխը սովոր է մրցակցության: Նա միշտ պատրաստ է մարզչին ապացուցել իր բարձր կարգն ու պատրաստակամությունը: Իսկ Ժոզեի մոտ դրանք մեծ նշանակություն ունեն:
 Սպասենք և հուսանք, որ Ժոզե Մոուրինյոյի գլխավորությամբ Մխիթարյանը դուրս կգա ավելի բարձր մակարդակի, և որ ամենակարևորն է, տիտղոսներ կնվաճի:

Առաջ, Հենո ջան:



                                                                                    Միհրան Ալեքսանյան

ԵԼ. «Բանանց» - «Օմոնիա»: Մարզիչների նախախաղային ասուլիսները

Եվրոպա Լիգայի 2016-2017թթ մրցաշրջանի որակավորման առաջին փուլի «Բանանց» - «Օմոնիա» խաղին ընդառաջ Վազգեն Սարգսյանի անվան Հանրապետական մարզադաշտում տեղի ունեցավ  նախախաղյա մամուլի ասուլիս, որի ընթացքում երկու թիմերի գլխավոր մարզիչներ` Տիտո Ռամալյոն և Ջոն Քարվերը պատասխանեցին լրագրողների հարցերին.

Նախ Տիտո Ռամալյոն շփվեց լրագրողների հետ: 

-Ի՞նչ ակնկալիքներ ունեք սպասվող խաղից և վստա՞հ եք, որ ի վիճակի եք հաղթահարել «Օմոնիայի» արգելքը: 

-Իհարկե ես հավատում եմ, որ մենք կարող ենք անցնել հաջորդ փուլ: «Օմոնիան» բավականին ուժեղ թիմ է,  բայց մենք կանենք հնարավոր ամեն ինչ դրական արդյունքի հասնելու համար:

-Արդյո՞ք Լաերսիո Գոմես Կոստայի հեռանալով կտուժի թիմի մարտունակությունը: 
-Բնականաբար չեմ ստի, Լաերսիոն մեզ համար շատ կարևոր ֆուտբոլիստ էր, սակայն ես նախընտրում եմ խոսել այն ֆուտբոլիստների մասին, ովքեր հիմա իմ տրամադրության տակ են գտնվում:

- Ի՞նչ վիճակում են մոտենում այս խաղին թիմի ֆուտբոլիստները: Կա՞ն վնասվածքներ թե ոչ: 

- Բոլոր ֆուտբոլիստներն առողջ են, իսկ ֆիզ. պատրաստվածության առումով կարող եմ նշել, որ տարվա այս հատվածի համար ֆուտբոլիստները պատրաստ են ելույթներին:


- Ինչպե՞ս եք պատրաստվում չեզոքացնել «Օմոնիայի» լավագույն հարձակվողներից մեկին` Կիլլիան Շերիդանին, ով Կիպրոսի առաջնության ավարտված մրցաշրջանում դարձել է 15 գոլի հեղինակ: 

-Կփորձենք հասնել նրան, որ Շերիդանը որքան հնարավոր է հեռու մնա մեր դարպասներից  ( ծիծաղում է - խմբ. ): Ինչքան հնարավոր է ավելի վերևում կպաշտպանվենք: Քանի որ  «Օմոնիայում» որոշ տեխնիկական փոփոխություններ կան, կարծում եմ նրանք ավելի ուղիղ կխաղան: «Օմոնիայում» հավաքված են մի շարք բարձրահասակ ֆուտբոլիստներ, ինչն էլ մեզ թույլ կտա ավելի ետևից խաղալ:

- Գո՞հ եք թիմի անցկացրած նախապատրաստական փուլից: 

-Այո գոհ եմ և տեսնենք թե որքանով կհաջողվի այն ցուցադրել խաղադաշտում: 

«Բանանցի» գլխավոր մարզիչ Տիտո Ռամալյոյի մամուլի ասուլիսից հետո լրագրողների հարցերին պատասխանեց նաև «Օմոնիայի» գլխավոր մարզիչ Ջոն Քարվերը:

Քարվերը մամուլի ասուլիսը սկսելուց առաջ խնդրեց լրագրողներին, որպեսզի չհնչեն հարցեր կապված անգլիական ֆուտբոլի և այնտեղ իր կատարած աշխատանքի մասին: Ջոն Քարվերը 2015 թվականի սկզբից մարզել է անգլիական «Նյուքասլ» ակումբը և մեղմ ասած անմխիթար արդյունքներից հետո, այնուամենայնիվ մրցաշրջանի վերջին տուրում թիմը հաղթանակ տոնելով կարողացել է պահպանել տեղը Անգլիայի Պրեմիեր Լիգայում:


-Ի՞նչ խնդիր է դրված Ձեր առջև և մինչև ու՞ր եք մտադիր հասնել Եվրոպա Լիգայի այս խաղարկությունում:

- Նախ ասեմ, որ ես  ընդամենը երեք շաբաթ է ինչ գլխավորում եմ «Օմոնիան» և թիմը նախորդ մրցաշրջանի համեմատ բավականին փոփոխություններ է կրել: Թիմից հեռացել են 12 ֆուտբոլիստներ, իսկ թիմ են հրավիրվել 7 նոր ֆուտբոլիստներ: Մենք ունենք մարտունակ թիմ և բոլորն էլ գտնվում են լավ մարզավիճակում:

-Ի՞նչ գիտեք «Բանանցի» մասին: 

-Դիտել ենք գավաթի եզրափակիչը և մեկ նախապատրաստական խաղ: Գիտենք որ «Բանանց» ունի նոր գլխավոր մարզիչ Իսպանիայից: Տեղյակ ենք, որ թիմը կորցրել է իր լավագույն ֆուտբոլիստներից մեկին` Լաերսիոյին: Գիտենք մրցակցի ուժեղ և թույլ կողմերը և կարծում եմ որ մեզ դժվար հանդիպում է սպասվում: 

-Արդյո՞ք Անդրե Սկեմբրիի  հեռանալը կարելի է կորուստ համարել Ձեր թիմի համար, թե Կիլլիան Շերիդանը կարող է փոխարինել նրան:

- Շատ խաղացողներ են հեռացել թիմից  նախորդ մրցաշրջանի համեմատ: Մենք նոր թիմ ենք կառուցում նոր ֆուտբոլիստներով և կարծում ենք, որ իրենք կարդարացնեն մեր սպասելիքները: Ամեն դեպքում տեսնելով իմ ֆուտբոլիստներին մարզումների ժամանակ վստահ եմ, որ մենք ճիշտ ճանապարհի վրա ենք: 

-Համաձա՞յն եք այն մտքի հետ, որ լավ մարզիչը նա է, ով կարողանում է դրական արդյունքի հասնել թիմում եղած ֆուտբոլիստների հետ, այլ ոչ թե սպասում է նոր տրանսֆերների:

-Այո ես համաձայն եմ: Մեզ համար կարևոր է զարգացնել ոչ միայն «Օմոնիայի» առաջին թիմն, այլ նաև մանկապատանեկան դպրոցը: Մարզչի համար շատ հաճելի է, երբ ակումբի սանը կարողանում է տեղ վաստակել թիմի հիմնական կազմում:
Վառ օրինակ է անգլիացի Էնդի Քերրոլը: Ես նրան հնարավորություն տվեցի ինչից էլ նա օգտվեց ու մեծ գումարների դիմաց տեղափոխվեց «Լիվերպուլ»:

-Եվ վերջում ի՞նչ կասեք Անգլիայի հավաքականի ԵՎՐՈ 2016-ում գրանցած արդյունքների վերաբերյալ:

- Շատ հիասթափված եմ: Ողջ ազգը սպասում էր, որ կնվաճեինք ԵՎՐՈ 2016-ի հաղթողի կոչումը: Իսկ հիմա պետք է նոր մարզիչ գտնել, բայց ասեմ, որ ես արդեն  աշխատանք ունեմ (ծիծաղում է -խմբ.): 

Հիշեցնենք, որ «Բանանց» - «Օմոնիա» հանդիպումը կկայանա հունիսի 30-ին` Վազգեն Սարգսյանի անվան Հանրապետական մարզադաշտում` 20:00-ին:

                                                                                                Միհրան Ալեքսանյան 

ԵԼ. «Բանանց» - «Օմոնիա»: Մարզիչների նախախաղային ասուլիսները

Եվրոպա Լիգայի 2016-2017թթ մրցաշրջանի որակավորման առաջին փուլի «Բանանց» - «Օմոնիա» խաղին ընդառաջ Վազգեն Սարգսյանի անվան Հանրապետական մարզադաշտում տեղի ունեցավ  նախախաղյա մամուլի ասուլիս, որի ընթացքում երկու թիմերի գլխավոր մարզիչներ` Տիտո Ռամալյոն և Ջոն Քարվերը պատասխանեցին լրագրողների հարցերին.

Նախ Տիտո Ռամալյոն շփվեց լրագրողների հետ: 

-Ի՞նչ ակնկալիքներ ունեք սպասվող խաղից և վստա՞հ եք, որ ի վիճակի եք հաղթահարել «Օմոնիայի» արգելքը: 

-Իհարկե ես հավատում եմ, որ մենք կարող ենք անցնել հաջորդ փուլ: «Օմոնիան» բավականին ուժեղ թիմ է,  բայց մենք կանենք հնարավոր ամեն ինչ դրական արդյունքի հասնելու համար:

-Արդյո՞ք Լաերսիո Գոմես Կոստայի հեռանալով կտուժի թիմի մարտունակությունը: 
-Բնականաբար չեմ ստի, Լաերսիոն մեզ համար շատ կարևոր ֆուտբոլիստ էր, սակայն ես նախընտրում եմ խոսել այն ֆուտբոլիստների մասին, ովքեր հիմա իմ տրամադրության տակ են գտնվում:

- Ի՞նչ վիճակում են մոտենում այս խաղին թիմի ֆուտբոլիստները: Կա՞ն վնասվածքներ թե ոչ: 

- Բոլոր ֆուտբոլիստներն առողջ են, իսկ ֆիզ. պատրաստվածության առումով կարող եմ նշել, որ տարվա այս հատվածի համար ֆուտբոլիստները պատրաստ են ելույթներին:


- Ինչպե՞ս եք պատրաստվում չեզոքացնել «Օմոնիայի» լավագույն հարձակվողներից մեկին` Կիլլիան Շերիդանին, ով Կիպրոսի առաջնության ավարտված մրցաշրջանում դարձել է 15 գոլի հեղինակ: 

-Կփորձենք հասնել նրան, որ Շերիդանը որքան հնարավոր է հեռու մնա մեր դարպասներից  ( ծիծաղում է - խմբ. ): Ինչքան հնարավոր է ավելի վերևում կպաշտպանվենք: Քանի որ  «Օմոնիայում» որոշ տեխնիկական փոփոխություններ կան, կարծում եմ նրանք ավելի ուղիղ կխաղան: «Օմոնիայում» հավաքված են մի շարք բարձրահասակ ֆուտբոլիստներ, ինչն էլ մեզ թույլ կտա ավելի ետևից խաղալ:

- Գո՞հ եք թիմի անցկացրած նախապատրաստական փուլից: 

-Այո գոհ եմ և տեսնենք թե որքանով կհաջողվի այն ցուցադրել խաղադաշտում: 

«Բանանցի» գլխավոր մարզիչ Տիտո Ռամալյոյի մամուլի ասուլիսից հետո լրագրողների հարցերին պատասխանեց նաև «Օմոնիայի» գլխավոր մարզիչ Ջոն Քարվերը:

Քարվերը մամուլի ասուլիսը սկսելուց առաջ խնդրեց լրագրողներին, որպեսզի չհնչեն հարցեր կապված անգլիական ֆուտբոլի և այնտեղ իր կատարած աշխատանքի մասին: Ջոն Քարվերը 2015 թվականի սկզբից մարզել է անգլիական «Նյուքասլ» ակումբը և մեղմ ասած անմխիթար արդյունքներից հետո, այնուամենայնիվ մրցաշրջանի վերջին տուրում թիմը հաղթանակ տոնելով կարողացել է պահպանել տեղը Անգլիայի Պրեմիեր Լիգայում:


-Ի՞նչ խնդիր է դրված Ձեր առջև և մինչև ու՞ր եք մտադիր հասնել Եվրոպա Լիգայի այս խաղարկությունում:

- Նախ ասեմ, որ ես  ընդամենը երեք շաբաթ է ինչ գլխավորում եմ «Օմոնիան» և թիմը նախորդ մրցաշրջանի համեմատ բավականին փոփոխություններ է կրել: Թիմից հեռացել են 12 ֆուտբոլիստներ, իսկ թիմ են հրավիրվել 7 նոր ֆուտբոլիստներ: Մենք ունենք մարտունակ թիմ և բոլորն էլ գտնվում են լավ մարզավիճակում:

-Ի՞նչ գիտեք «Բանանցի» մասին: 

-Դիտել ենք գավաթի եզրափակիչը և մեկ նախապատրաստական խաղ: Գիտենք որ «Բանանց» ունի նոր գլխավոր մարզիչ Իսպանիայից: Տեղյակ ենք, որ թիմը կորցրել է իր լավագույն ֆուտբոլիստներից մեկին` Լաերսիոյին: Գիտենք մրցակցի ուժեղ և թույլ կողմերը և կարծում եմ որ մեզ դժվար հանդիպում է սպասվում: 

-Արդյո՞ք Անդրե Սկեմբրիի  հեռանալը կարելի է կորուստ համարել Ձեր թիմի համար, թե Կիլլիան Շերիդանը կարող է փոխարինել նրան:

- Շատ խաղացողներ են հեռացել թիմից  նախորդ մրցաշրջանի համեմատ: Մենք նոր թիմ ենք կառուցում նոր ֆուտբոլիստներով և կարծում ենք, որ իրենք կարդարացնեն մեր սպասելիքները: Ամեն դեպքում տեսնելով իմ ֆուտբոլիստներին մարզումների ժամանակ վստահ եմ, որ մենք ճիշտ ճանապարհի վրա ենք: 

-Համաձա՞յն եք այն մտքի հետ, որ լավ մարզիչը նա է, ով կարողանում է դրական արդյունքի հասնել թիմում եղած ֆուտբոլիստների հետ, այլ ոչ թե սպասում է նոր տրանսֆերների:

-Այո ես համաձայն եմ: Մեզ համար կարևոր է զարգացնել ոչ միայն «Օմոնիայի» առաջին թիմն, այլ նաև մանկապատանեկան դպրոցը: Մարզչի համար շատ հաճելի է, երբ ակումբի սանը կարողանում է տեղ վաստակել թիմի հիմնական կազմում:
Վառ օրինակ է անգլիացի Էնդի Քերրոլը: Ես նրան հնարավորություն տվեցի ինչից էլ նա օգտվեց ու մեծ գումարների դիմաց տեղափոխվեց «Լիվերպուլ»:

-Եվ վերջում ի՞նչ կասեք Անգլիայի հավաքականի ԵՎՐՈ 2016-ում գրանցած արդյունքների վերաբերյալ:

- Շատ հիասթափված եմ: Ողջ ազգը սպասում էր, որ կնվաճեինք ԵՎՐՈ 2016-ի հաղթողի կոչումը: Իսկ հիմա պետք է նոր մարզիչ գտնել, բայց ասեմ, որ ես արդեն  աշխատանք ունեմ (ծիծաղում է -խմբ.): 

Հիշեցնենք, որ «Բանանց» - «Օմոնիա» հանդիպումը կկայանա հունիսի 30-ին` Վազգեն Սարգսյանի անվան Հանրապետական մարզադաշտում` 20:00-ին:

                                                                                                Միհրան Ալեքսանյան 

Մխիթարյան: «Արսենալ» թե՞ «Մանչեսթեր Յունայթեդ»

Հայաստանի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանի ծառայություններով հետաքրքրված են անգլիական երկու գրանդ ակումբներ` «Արսենալը» և «Մանչեսթեր Յունայթեդը»:  Փորձենք հասկանալ ո՞ր տարբերակը  Մխիթարյանի համար ավելի  հարմար կլինի:

 Ընդհանրապես, ֆուտբոլիստները նոր ակումբ տեղափոխվելու ժամանակ կարևորում են ապագա գլխավոր մարզչի գործոնը: Այս դեպքում Ժոզե Մոուրինյոն առավելություն ունի Արսեն Վենգերի նկատմամբ: Նախ այն, որ Արսեն Վենգերի ապագան այդքան էլ պարզ չէ: Վերջերս շատ են խոսակցություններն այն մասին, որ  «պրոֆեսորը» կարող է հեռանալ իր պաշտոնից: Իսկ Ժոզեն եկել է մի թիմ, որը վերջին երեք տարիները պարզապես ձախողել է և վստահաբար կարելի է ասել, որ Մոուրինյոն ամենաքիչը երկու տարի կունենա իրեն դրսևորելու և  «Մանչեսթեր Յունայթեդը» հին փառքին վերադարձնելու համար: Հիմա ավելի մանրամասն այս երկու հավանական տարբերակների մասին:

    2013 թվականին Արսեն Վենգերը ասել էր.

 «Ճիշտ է  «Բորուսիան» հասավ մինչև ՉԼ-ի եզրափակիչ, սակայն ակումբի ամենաթանկ տրանսֆերը` Հենխրիխ Մխիթարյանը, ինձ չտպավորեց»:

 Այս խոսքերից հետո Հենրիխը  «Արսենալի» դեմ խաղում դարձավ գոլի հեղինակ և կարծում եմ ստիպեց ֆրանսիացի մասնագետին փոխել իր կարծիքը:

Իսկ եթե ուշադրություն դարձնենք զուտ խաղային պայմաններին, ապա շատ բան է կախված նրանից, թե երկու ակումբներից որ ֆուտբոլիստները կհեռանան:

 Արսենալի կիսապաշտպանության գիծը կազմում են Ռեմզին, Սանչեսը, Ուիլշերը, Օզիլը, Ուոլքոտը, Կասորլան և թիմի նորեկ Գրանիտ Ջական: Չեմ նշում հենակետայինների անունները, քանզի Մխիթարյանն այդ դիրքում հաստատ չի խաղա: Եթե հաշվի առնենք, որ Օզիլն ու Սանչեսը կմնան  թիմում, ապա Մխիթարյանի համար մնում է որպես խաղային դիրք  կիսապաշտպանության աջ եզրը: Ինչքան էլ մենք սիրենք մեր Հենոյին, միևնույնն է պետք է հասկանանք, որ այս երկու ֆուտբոլիստներն արդեն իսկ  «գրավել» են իրենց դիրքերը  «Արսենալում»:

Աջ կիսապաշտպանի դիրքը Մխիթարյանին հարմար չէ` համենայն դեպս Վենգերի թիմում:  «Բորուսիայում» էլ Հենոն  խաղում է կամ  ձախ կիսապաշտպանի կամ ենթահարձակվողի դիրքում: Վերջինս ավելի նպատակահարմար է, քանզի Մխիթարյանն ունի փլեյմեյքերին անհրաժեշտ որակները և բազմիցս ապացուցել է, որ այդ դիրքում նա կարող է գերազանց հանդես գալ:

Կարծում եմ   «Արսենալ» տեղափոխվելու միակ դրական կողմն այն է, որ ակումբը մասնակցում է ՉԼ-ի գալիք մրցաշրջանին` ի տարբերություն  «Մանչեսթեր Յունայթեդի»:

Քանի որ, ինքս էլ շատ եմ ցանկանում, որպեսզի Մխիթարյանը տեղափոխվի  «Մանչեսթեր Յունայթեդ», փորձեմ ներկայացնել մի քանի ծանրակշիռ փաստարկ, որը մատնացույց կանի այս տարբերակի դրական կողմերը:

 «Մանչեսթեր Յունայթեդի» նոր գլխավոր մարզիչ Ժոզե Մոուրինյոյի  կառուցած ֆուտբոլը շատերին դուր չի գալիս, սակայն պորտուգալացի մասնագետը կարողանում է քաղել առավելագույնը իր ֆուտբոլիստներից: Մոուրինյոն  վերջին 7-8 տարիներին գրեթե միշտ խաղում է նույն 4-2-3-1 տակտիկական սխեմայով:  Այս սխեմայում առանձնահատուկ տեղ ունի փլեյմեյքերը: Ժոզեն մեծ նշանակություն է տալիս իր  «10 համարին»:  «Ինտերում» այդպիսին եղել է Ուեսլի Սնեյդերը,  «Ռեալում»` Մեսութ Օզիլը,  «Չելսիում»` Օսկարն ու Ֆաբրեգասը: Կարծում եմ  «Մանչեսթեր Յունայթեդում» էլ այդ ֆուտբոլիստը կլինի հենց Հենրիխ Մխիթարյանը, քանզի այդ դիրքում մրցակցություն գրեթե չկա: Խուան Մատայի հետ կարծում եմ ամեն ինչ պարզ է, իսկ Ուեյն Ռունիի հարցը դեռևս անհասկանալի է: Եթե պետք լինի ընտրել թե այս ֆուտբոլիստներից ո՞վ պետք է խաղա ենթահարձակվողի դիրքում, ապա Մոուրինյոյի ընտրությունը կկանգնի  Մխիթարյանի վրա, իսկ Ռունին կգործի  աջից, կամ ավելի ետ քաշված: Բայց կա նաև հակառակ տարբերակը:

 «Մանչեսթեր Յունայթեդում» արդեն կարելի է քննարկել Հենոյի աջ եզրում խաղալու հնարավորությունը: Մոուրինյոն ի տարբերություն Վենգերի, կկարողանա այդ դիրքում լավագույնս օգտագործել  Մխիթարյանին: Բավական է հիշել միայն այն, որ  «Չելսիում» փլեյմեյքեր հանդիսացող Վիլլիանը հաջողությամբ հանդես էր գալիս կիսապաշտպանության աջ եզրում` որը Ժոզեի մտահղացումն էր:

Այս օրերին առկա տեղեկությունների համաձայն, «Մանչեսթեր Յունայթեդի» պոտենցիալ նորեկների ցանկում չկա այնպիսի խաղացող, ով կարող է  «գրավել» Հենոյի հավանական դիրքը  «Մանչեսթեր Յունայթեդում»: Նշվում է միայն Պոգբայի անունը, սակայն Պոգբա, Մխիթարյան և ցանկացած հենակաետային,  եռյակը կարող է հիանալի համագործակցել խաղադաշտում:

Ինչևէ, մեզ մնում է միայն սպասել և հուսալ, որ Հենրիխ Մխիթարյանը կկատարի ճիշտ որոշում` ընտրելով իր համար ավելի հեռանկարային տարբերակ:

Հ.Գ.

12 հոգանոց թիմ Հ1-ի եթերում

Հայաստանի հանրային հեռուստաընկերությունը  սխալվեց իր հաշվարկների մեջ:  Արգելափակելով ռուսական ալիքներով ԵՎՐՈ 2016-ին հետևելու հնարավորությունը` Հայաստանի հանրային հեռուստաընկերությունը փորձեց գրավել  հայ ֆուտբոլասերների ուշադրությունը, սակայն...

Հիմա  ֆուտբոլասերներից շատերը պարզապես ընտրության հնարավորություն չունենալով, ԵՎՐՈ 2016-ի խաղերին հետևում են առաջին ալիքով:  Իսկ դա նշանակում է, որ Հ1-ին հետևողների քանակը մի քանի անգամ մեծանում է: Ու բնական է, որ շատ երկրպագուներ`  լսելով մատուցվող մեկնաբանության   ցածր որակը, բարձրաձայնում են իրենց կարծիքը:

Այն ինչ արեց Կարեն Գիլոյանը Գերմանիա - Ուկրաինա  հանդիպումը մեկնաբանելիս, հարիր չէ Հանրային հեռուստաընկերության մակարդակի մեկնաբանին:

Պարզվում է ամբողջ հանդիպման ընթացքում ըստ Կարեն Գիլոյանի, Գերմանիայի հավաքականը խաղում էր 12 հոգով: Նա  առաջին  խաղակեսում Բունդեսթիմի կազմը ներկայացնելիս նշեց 12 ֆուտբոլիստի անուն`

1- Մանուել Նոյեր 

2-Շկոդրան Մուստաֆի
3-Յոնաս Հեկտոր
4-Բենեդիկտ Հովեդես

5-Ժերոմ Բոատենգ

6- Սամի Խեդիրա

7-Մեսութ Օզիլ

8-Յուլիան Դրաքսլեր

9- Թոնի Կրոս

10-Մարիո Գյոթցե

Այս տասը ֆուտբոլիստների անունները նշելուց հետո Կարեն Գիլոյանը ավելացրեց.

«Երկու հարձակվող ունի Գերմանիայի հավաքականը մեկնարկային կազմում: Եվ այսպես, համար 13 Թոմաս Մյուլլեր «Բավարիա» Մյունխեն- Գերմանիա, և համար 23 Մարիո Գոմես «Բեշիքթաշ» Թուրքիա»: 

Երկրորդ խաղակեսի սկզբում  Կարեն Գիլոյանն ասաց. 

«Երկրորդ խաղակեսը սկսված է: Գերմանիա - Ուկրաինա 1:0 և առաջարկում եմ վերհիշել թիմերի կազմերը: Փոփոխություններ չկան, այնպես որ, ճիշտ նույն կազմերով հավաքականները վերադարձել են խաղադաշտ»:

Դրանից հետո նույնությամբ ներկայացրեց Գերմանիայի հավաքականի 12 հոգանոց  կազմը:


Իսկ ամենացավալին այն է, որ Մարիո Գոմեսն այս խաղին չի մասնակցել: Սակայն Կարեն Գիլոյանն առաջին խաղակեսի միջնամասում նույնիսկ մեկնաբանեց Մարիո Գոմեսի  հարվածային դիրք դուրս գալը (իրականում հարվածային դիրքում էր գտնվում Սամի Խեդիրան):

Իսկ Ուկրաինայի հավաքականը հանդիպման ընթացքում ըստ Կարեն Գիլոյանի երկու տարբեր ավագներ ուներ: Առաջին խաղակեսում` Անատոլի Տիմոշուկը, իսկ երկորդում` Անդրեյ Պյատովը: Պարզապես նշեմ, որ Տիմոշուկը հանդիպմանը չէր մասնակցում, իսկ Ուկրաինայի հավաքականի ավագի պարտականությունները մեկնարկային րոպեներից կատարում էր Վյաչեսլավ Շևչուկը:

Յուրաքանչյուրն էլ ունի սխալվելու իրավունք, սակայն երբ նման  անփույթ աշխատանքից հետո` անմիջապես հաջորդ օրը Կարեն Գիլոյանը սկսում է մեկնաբանել մեկ այլ հանդիպում` նույնիսկ ներողություն չխնդրելով խայտառակ մեկնաբանության համար, հասկանում ես, որ Հանրային հեռուստաընկերությունը չի գտնվում իր բարձրության վրա:

Հ.Գ. Հետո էլ զարմանում ու նեղանում են, որ ֆուտբոլ դիտելիս նախապատվությունը տալիս ենք ռուսական ալիքներին:

ԵՎՐՈ 2016: Ինչպե՞ս Բելգիան պարտվեց Իտալիային

ԵՎՐՈ 2016-ի այդքան սպասված  Բելգիա - Իտալիա հանդիպումը մեծ հիասթափության առիթ տվեց: Սակայն հիասթափեցրեց ոչ միայն Բելգիան, այլ նաև Իտալիան` իր գլխավոր մարզչի որոշումներով: Նախ անդրադառնանք «Սկուադրա Աձուրային», քանզի շատերը կարդալով այս տողերն ու տեսնելով խաղի հաշիվը կմտածեն, որ ես  մեծ սխալ եմ գործում` քննադելով Անտոնիո Կոնտեին, սակայն...

Տեսեք ինչ հետաքրքիր բան է ստացվում: Իտալիայի հավաքականի երկրպագուներից շատերը տեսնելով թիմի մեկնարկային կազմն անշուշտ սկսեցին քննադատել Անտոնիո Կոնտեին, քանի որ բացակայում էին գերազանց մրցաշրջան անցկացրած Լորենցո Ինսինյեն, Ստեֆան Էլ Շաարավին և Ալեսանդրո Ֆլորենցին: Իսկ նրանց փոխարեն մեկնարկային կազմում էին հայտնվել այնպիսի ֆուտբոլիստներ ինչպիսիք են` Էմանուելե Ջակերինին, Մարկո Պարոլոն, Էդերն ու Դարմիանը: Գիտեմ, գիտեմ, հիմա մտածում եք, թե ինչու՞ եմ նշել Ջակերինիին, չէ որ նա  դարձավ գոլի հեղինակ, իսկ թիմն ընդհանուր առմամբ լավ խաղաց: Բայց այստեղ կա մի ճշմարտություն, ոչ թե Իտալիան հաղթեց Բելգիային, այլ Բելգիան պարտվեց Իտալիային:  Կարծում եմ, եթե Բելգիան կարողանար ցուցադրել իր հնարավորությունների գոնե 80 %-ը, ապա կտապալեր Կոնտեի այս թիմին: Բայց ինչպես ասում են հաղթողներին չեն դատում, սակայն...

 Երբ հաջորդ խաղում նույն Ջակերինին փչացնի 5 ռեալ գոլային հնարավորություն, կամ Էդերը չկարողանա գնդակին դիպչել ավելին քան 10 անգամ, այդժամ չսկսեք քննադատել Կոնտեին:

Իսկ ինչ վերաբերում է Բելգիայի հավաքականին... Սա այն դեպքերից է, երբ թիմի գլխավոր մարզիչը չկարողացավ դիմակայել ճնշմանն ու սխալ որոշումներ կայացրեց:
Խաղալով Իտալիայի հավաքականի պես պաշտպանություն ունեցող թիմի դեմ, Մարկ Վիլմոտսը որոշել էր շեշտը դնել երկար փոխանցումներով խաղի վրա: Իհարկե ես հասկանում եմ, որ Վիլմոտսն ինձնից լավ է հասկանում ֆուտբոլից, սակայն ես արձանագրում եմ այն, ինչ տեսավ ամբողջ աշխարհը:
 Ունենալով գրեթե 18 թոփ մակարդակի ֆուտբոլիստ, Վիլմոտսը չկարողացավ ընտրել այնպիսի մեկնարկային կազմ, որն իր արագության ու ճկունության շնորհիվ  ծանր կացության մեջ կդներ Իտալիայի հավաքականի պաշտպաններին:

Հավատացեք, որ բացի երկրորդ հարկում պայքար մղելուց, մնացած յուրաքանչյուր տիպի մարտավարության դեպքում Բելգիայի հավաքականի հարձակման գիծը կստիպեր, որ Ջորջիո Կյելինիի ու Անդրեա Բարձալիի մոտ գլխապտույտ առաջանա:

Ակնհայտ է, որ Վիլմոտսը սխալվեց մեկնարկային կազմի հարցում, իսկ կատարած փոփոխություններով,  ընդհանրապես խառնաշփոթ ստեղծեց խաղադաշտում: Հանդիպման վերջնամասում Բելգիայի հարձակման գիծը կազմված էր հետևյալ ֆուտբոլիստներից` Կարասկո, Մերտենս, Դե Բրույնե, Ազար, Օրիգի: Միանգամից 4 եզրային հարձակվողներ, որոնք  միմյանց խանգարելով այդպես էլ չկարողացան արդյունքի հասնել: Իսկ Ռոմելու Լուկակուի ու Կևին Դե Բրույնեի խաղը կարելի է մեկնաբանել ընդամենը մեկ բառով` խայտառակություն: Փոխարենը  Մարսելի «Օլիմպիկի» երիտասարդ ու տաղանդավոր բելգիացի հարձակվող Միշի Բաչուային` ով Լիգա 1-ի այս մրցաշրջանում դարձել է 17 գոլի ու 9 գոլային փոխանցման հեղինակ, այդպես էլ խաղադաշտ դուրս չեկավ: 

Հ.Գ. Իսկ Իտալիայի հավաքականի համար իսկական փորձություն կլինի Իռլանդիայի դեմ խաղը: Իռլանդացիները հաստատ բելգիացիների նման մեղմ չեն լինի:
                                                                                             

                                                                                                        Միհրան Ալեքսանյան

ԵՎՐՈ 2016: Ֆրանսիացիների հաղթական մեկնարկը

Մեկնարկեց ԵՎՐՈ 2016-ը: «Ստադ դե Ֆրանս» մարզադաշտում մրցաշարի գլխավոր ֆավորիտներից մեկը համարվող Ֆրանսիայի հավաքականը 2:1 հաշվով դժվարին հաղթանակ տարավ Ռումինիայի հավաքականի նկատմամբ: Իսկ թե ինչպիսի գոլի հեղինակ դարձավ ֆրանսիացի Դիմիտրի Պայետը` բառերով նկարագրելն անհնար է:
Հիմա անդրադառնանք Ֆրանսիայի հավաքականի խաղին: Անկեղծ ասած սպասումներս չարդարացան, քանզի Դիդյե Դեշամի թիմը այդքան էլ վստահ խաղ չցուցադրեց:

Բնականաբար ճնշումը ֆրանսիացիների վրա մեծ էր, քանի որ,  մեկնարկային խաղում դրական արդյունքի հասնելը շատ կարևոր է: Մի փոքր տխրեցնում է այն, որ թիմի առաջատարներ` Պոգբան և Գրիզմանը թույլ հանդիպում անցկացրեցին,չնայած որ, նրանցից սպասումները մեծ էին: Կարծում եմ խաղը ձախողեց նաև Պատրիս Էվրան, ով հեշտությամբ թույլ էր տալիս իրեն շրջանցել ձախ եզրում, բացի այդ 11 մ բերեց սեփական դարպասին` անփույթ գործելով: Ամենայն հավանականությամբ Դեշամը հաջորդ խաղում  Էվրային կփոխարինի երիտասարդ Լուկա Դինով: Միևնույն ժամանակ Ֆրանսիայի հավաքականի կազմում փայլեցին Նգոլո Կանտեն և Դիմիտրի Պայետը: Կանտեն կայունություն էր հաղորդում ֆրանսիացիների կիսապաշտպանության գծին, որից էլ օգտվելով` Մատյուիդին և Պոգբան փորձում էին կենտրոնանալ հարձակման վրա: Պայետը հանդիպման վերջում փորձեց խաղը վերցնել իր վրա` ինչն էլ տվեց իր դրական  արդյունքը:

Ֆրանսիայի հավաքականի համար հաջորդ խաղը շատ կարևոր է, քանզի եթե երկրորդ խաղում ևս  լինեն այսպիսի ձախողումներ, ապա Դեշամը կկանգնի լուրջ խնդիրների առաջ:


Հ.Գ. Քանի որ ամեն օր կայանալու են մի քանի հանդիպումներ, այդ պատճառով յուրաքանչյուր օրվա վերջում սպասեք նմանատիպ հակիրճ վերլուծությունների` որտեղ կփորձեմ ամփոփել ամենակարևոր և նշանակալի իրադարձությունները: Ֆուտբոլային տոնը սկսված է, հետևեք ԵՎՐՈ 2016-ի իրադարձություններին
Ֆուտբոլ 365 -ի հետ:    

Էրիկ Բայի. Մոուրինյոյի առաջին տրանսֆերը «Մանչեսթեր Յունայթեդում»

Էրիկ Բային դարձավ Ժոզե Մոուրինյոյի առաջին ձեռքբերումը «Մանչեսթեր Յունայթեդում»:

 Նախ մի քանի խոսք Էրիկ Բայիի մասին:

Կենտրոնական պաշտպան, որը կարողանում է լավ հանդես գալ նաև պաշտպանության աջ եզրում: Բարձրահասակ, ամրակազմ և արագավազ ֆուտբոլիստ, ով անշուշտ կուժեղացնի «Մանչեսթեր Յունայթեդի» պաշտպանական գիծը: 

Բային  2015 թվականից սկսած հանդես էր գալիս իսպանական «Վիլյառեալում», որտեղ անցկացրել է գրեթե 40 հանդիպում: Բացի այդ, 22-ամյա կոտ դ'Իվուարցին իր երկրի ազգային հավաքականի կազմում մասնակցել է նախորդ տարի կայացած Աֆրիկյան Ազգերի Գավաթի մրցաշարին, որտեղ Կոտ դ'Իվուարը նվաճեց չեմպիոնական գավաթը: 

Անկասկած սա այն տրանսֆերը չէր, որին սպասում էին «Մանչեսթեր Յունայթեդի» երկրպագուները Ժոզե Մոուրինյոյից, սակայն կա մի հետաքրքիր և ուրախացնող զուգադիպություն. Ժոզե Մոուրինյոն իր մարզչական կարիերայի ընթացքում` ամեն անգամ նոր ակումբ գալով ձեռք է բերել  կենտրոնական պաշտպան:


«Չելսի» - Ռիկարդու Կարվալյու
«Ինտեր» - Լուսիո
«Ռեալ» - Ռաֆայել Վարան և Ռիկարդու Կարվալյու
«Չելսի» - Կուրտ Զումա
«Մանչեսթեր Յունայթեդ» - Էրիկ Բայի

Այս բոլոր ֆուտբոլիստները` հատկապես Վարանն ու Զուման, իրենց լավագույնս դրսևորել են հենց Մոուրինյոյի ղեկավարությամբ:



Շատ բան է կախված նրանից թե պաշտպաններից ո՞վ կլքի «Մանչեսթեր Յունայթեդն» այս տրանսֆերային պատուհանի ընթացքում: Եթե դա լինի Դեյլի Բլինդն, ապա Սմոլլինգ- Բայի զույգը կարծում եմ կդառնա հիմնական, իսկ եթե թիմից հեռանա Մատտեո Դարմիանն, այդ դեպքում ես չեմ բացառում այն տարբերակը, որ Բային հանդես կգա պաշտպանության աջ եզրում:

Կա ևս մեկ հավանական տարբերակ, ըստ որի Բային աստիճանաբար կընդգրկվի թիմի կազմում, իսկ այդ դեպքում կենտրոնական պաշտպանների զույգը կմնա նույնը` Սմոլլինգ- Բլինդ:

Ինչևէ, «Մանչեսթեր Յունայթեդը» ձեռք բերեց երիտասարդ և հեռանկարային պաշտպանի, իսկ թե Մոուրինյոն ինչպե՞ս կօգտագործի նրա խաղային որակները կիմանանք հաջորդ մրցաշրջանից սկսած:




                                                                           Միհրան Ալեքսանյան

Մուհամմեդ Ալի: Երբ հեռանում են լեգենդները

Ինչպես արդեն տեղեկացրել էինք  74 տարեկան հասակում վախճանվել է 20-րդ դարի լավագույն մարզիկներից մեկը` հռչակավոր բռնցքամարտիկ Մուհամմեդ Ալին:

 Հիմա կմտածեք, թե ինչ կարիք կա ևս մեկ անգամ անդրադառնալու այս թեմային, առավել ևս, որ Մուհամմեդ Ալին ֆուտբոլային աշխարհի ներկայացուցիչ չէ: Անկեղծ ասած ես նույնպես բախվեցի այս հարցին, երբ ֆուտբոլային լուրերի մեջ նկատեցի բազում ցավակցական խոսքեր հանրաճանաչ բռնցքամարտիկի հասցեին: 

 Իրոք  որ ամբողջ ֆուտբոլային հասարակությունը սգում է նրա մահը:  Գրեթե  բոլոր ֆուտբոլային ակումբների պաշտոնական կայքերն ողողված են Մուհամմեդ Ալիին վերաբերվող ցավակցական գրառումներով: Մի շարք հայտնի ֆուտբոլիստներ, մարզիչներ իրենց ցավակցական խոսքն են ուղղում Ալիի ընտանիքին և ընկերներին: 

Ես նման բան դեռևս չէի տեսել: Ֆուտբոլային աշխարհում շատ են եղել դեպքեր, երբ այս կամ այն հայտնի ֆուտբոլիստի մասին` նրանց մահից հետո ցավակցական գրառումներ են կատարվել, բայց ոչ այս կերպ: 

Մուհամեդ Ալին իր մահով «խառնեց» ամբողջ սպորտային և հատկապես ֆուտբոլային հասարակությունը:  

Որպեսզի երիտասարդ սերունդը հասկանա թե ում են այսպես մեծարում, ցանկանում եմ ներկայացնել Մուհամմեդ Ալիի կյանքի օրենքներից մի քանիսը: 

Անհնար է- սա հատուկ է միայն թույլ մարդկանց: Դա փաստ չէ, դատավճիռ չէ: Այն մարտահրավեր է, քեզ ցուցադրելու հնարավորություն: Անհնարը հնարավոր է: 

Ես տանել չէի կարողանում մարզումները, բայց մի օր ինձ ասացի. «Մի հանձնվիր: Մի փոքր դիմացիր և ամբողջ կյանքդ ապրիր ինչպես չեմպիոն»:

Երազներն իրականություն դարձնելու լավագույն միջոցն արթնանալն է:

Իմաստուն լինելն այն է, երբ հասկանում ես, որ դու չես կարող դառնալ իմաստուն: 

Ամենամեծ սխալը նախկին սխալների համար անընդհատ մտածելն է: 

Ես միայն կուզեի, որ մարդիկ միմյանց սիրեին այնպես, ինչպես սիրում են ինձ: Այդ ժամանակ աշխարհն ավելի լավը կլիներ: 

Սպորտում բացի անհատական որակներից` տեխնիկայից և արագությունից, կա ևս մի կարևոր նախապայման` դա հոգեպես ամուր լինելն է: Երբ մրցակիցդ հասկանում է, որ չի կարող կոտրել քեզ հոգեպես, ապա չի կարող կոտրել նաև ֆիզիկապես: 

Մուհամմեդ Ալիի դեպքում այս միտքն արտացոլվում է հետյալ տեսագրությունում: Տեսեք թե ինչպես է լեգենդար Ալին ծաղրում հակառակորդին և ընդամենը 10 վարկյանում խուսափում է մրցակցի 21 հարվածից: 

Հավերժ փառք քեզ աշխարհահռչակ Մուհամմեդ Ալի:

Հ.Գ. 20-րդ դարի լեգենդների շարքերը նոսրանում են: 

                                                                                           Միհրան Ալեքսանյան

Ինչու՞ պետք է հետևել «Copa América 2016»-ին:

Հունիսի 4-ին  կմեկնարկի Ամերիկայի Գավաթ 2016-ը: Հին աշխարհի հեղինակավոր ԵՎՐՈ 2016-ը անարդարացիորեն զրկել է ուշադրությունից Ամերիակայի Գավաթ 2016-ը: Բայց այս տարվա մրցաշարը շատ առումներով յուրահատուկ է: Փորձենք հասկանալ թե ինչո՞վ է  յուրահատուկ  «Copa América 2016»-ը և ինչու՞ պետք է դրան հետևել ոչ պակաս ուշադրությամբ` քան ԵՎՐՈ 2016-ին:

Հոբելյանական մրցաշար

Հարավային Ամերիկայի ուժեղագույն հավաքականների միջև առաջին խոշոր մրցաշարը տեղի է ունեցել 1916 թվականին և այս տարի լրանում է մրցաշարի 100-ամյակը: Վերջին տարիներին Ամերիկայի Գավաթի մրցաշարը` այնպես ինչպես ԵՎՐՈ-ն, անցկացվում է 4 տարին մեկ անգամ, սակայն այս տարի 100-ամյա հոբելյանի կապակցությամբ մրցաշարը խախտում է ավանդույթները: Վերջին Ամերիկայի Գավաթը տեղի է ունեցել նախորդ տարի Չիլիում, որտեղ էլ հաղթանակի հասան հենց չիլիացիները: Այս տարվա մրցաշարը ոչ թե խախտում է դրա ընթացակարգի հերթականությունն, այլ պարզապես փոքրիկ փոփոխություն կատարում: Հաջորդ Ամերիկայի Գավաթը տեղի կունենա 2019 թվականին (պահպանելով 4 տարին մեկ անցկացվող կարգը), իսկ 2017 թվականին Ռուսատանում կայանալիք Կոնֆեդերացիայի Գավաթին կմասնակցի ոչ թե այս, այլ նախորդ տարվա հաղթող հավաքականը` այսինքն Չիլին:

Բայց ֆուտբոլասերների համար դա այնքան էլ կարևոր չի, քանզի կա եզակի հնարավորություն, հետևելու հավաքականների մասշտաբով մեծ հետաքրքրություն վայելող ֆուտբոլային մրցաշարի:



Առաջին մրցաշարը, որն անցկացվում է Հարավային Ամերիկայի սահմաններից դուրս

Ամերիկայի Գավաթի խաղարկություններում միշտ մասնակցել են հարավամերիկյան հավաքականներ, սակայն վերջերս մրցաշարի կազմակերպիչները որոշել են հարևան` Հյուսիսային Ամերիկայից հավաքականներ հրավիրել:
 Հյուսիսային Ամերիկայում ֆուտբոլային գլխավոր մրցաշարը ԿՈՆԿԱԿԱՖ Ոսկե Գավաթն է, իսկ Հարավային Ամերիկայում` Ամերիկայի Գավաթը: Բայց այս տարի` պատմության մեջ առաջին անգամ, այս մրցաշարը կկայանա Ամերիկա մայրցամաքի հյուսիսային հատվածում` Ամերիկայի Միացյալ Նահանգներում: Իսկ հավաքականններ ընդգրկված են Ամերիկայի և՛ հյուսիսից, և՛ հարավից:


Մեծ թվով ֆավորիտներ

Տնային պատերի գործոնն, ինչպես հայտնի է շատ կարևոր է յուրաքանչյուր հավաքականի համար, բայց այս տարի ոչ մի հարավամերիկյան հավաքական չունի այդ առավելությունն, ինչն էլ մրցաշարին յուրօրինակ մրցակցություն է հաղորդում:



Ամերիկայի Գավաթ մրցաշարը բոլորովին էլ Բրազիլիայի և Արգենտինայի հավաքականներով չի սահմանափակվում, ինչպես կարող է թվալ շատերին: Որքան էլ որ, պարադոքսալ է հնչում. Լեո Մեսսին իր կարիերայի բազմաթիվ տիտղոսների մեջ չի կարող պարծենալ Ամերիկայի Գավաթով: Վերջին անգամ արգենտինացիներն այս մրցաշարում չեմպիոն են դարձել հեռավոր 1993 թվականին: Այնպես որ, Մեսսի-Ագուերո-Իգուային եռյակի և խաղընկերների մոտիվացիան անսահման է:

Բրազիլիայի հավաքականն արդեն երկու անգամ անընդմեջ ձախողում է մրցաշարը և այդ երկու անգամներն էլ «պենտակամպեոնների» ճանապարհին կանգնել են համեստ պարագվայցիները: Անկասկած բրազիլացիներն ևս ցանկանում են մեծ հաջողությունների հասնել, սակայն թիմի գլխավոր աստղի` Նեյմարի բացակայությունը, կարող է զգալի թուլացնել աշխարհի հնգակի չեմպիոններին: Ամեն դեպքում Բրազիլիայի հավաքականում հավաքված են մեծ թվով երիտասարդ և հեռանկարային ֆուտբոլիստներ, որոնք ևս ի վիճակի են արժանի մրցակցություն ցուցաբերել յուրաքանչյուրին:


Ներկայիս գավաթակիրը Չիլիի հավաքականն է և ինչու՞ նրանք չեն կարող կրկնել հաջողությունը: Թիմում հավաքված են այնպիսի աստղեր` ինչպիսիք են Ալեքսիս Սանչեսն ու Արտուրո Վիդալը: Հետաքրքիր կլինի նաև հետևել չիլիացիների նոր գլխավոր մարզիչ` Խուան Անտոնիոյի Պիցցիի աշխատանքին:

Ուրուգվայի հավաքականը վերջին անգամ հաղթել է այս մրցաշարում 2011 թվականին: Գերազանց մարզավիճակում է թիմի առաջատար Լուիս Սուարեսը, սակայն ուրուգվայցիների գլխավոր մարզիչ Օսկար Տաբարեսը մրցաշարի սկզբում չի կարող հույսը դնել Սուարեսի վրա, քանզի վերջինս ապաքինվում է վնասվածքից, բայց ընդգրկված է թիմի հայտացուցակում: Դե իսկ պաշտպանական զույգը` ի դեմս Գոդինի և Խիմենեսի, վստահություն է ներշնչում: Չենք մոռանում նաև Էդինսոն Կավանիի մասին, ով վերջապես պետք է փորձի ցուցադրել իր բարձր կարգը նաև հավաքականում:


Կոլումբիայի հավաքականը Կուադրադոյի, Խամեսի և Բակկայի հետ նույնպես կփորձի միջամտել մրցանակային տեղերի համար պայքարին:
 Պերուի հավաքականը վերջին երկու մրցաշարերում դարձել է բրոնզե մեդալակիր:  Էկվադորը, որը հիանալի է հանդես գալիս ԱԱ 2018-ի ընտրական փուլում` զբաղեցնելով երկրորդ հորիզոնականը, ևս վտանգավոր մրցակից է:

Դե իհարկե այս մրցաշարին յուրահատուկ կերպով է մոտենում ընդունող երկրի` ԱՄՆ-ի հավաքականը: Յուրգեն Կլինսմանի թիմում հավաքվել են ինչպես փորձառու(Մայքլ Բրեդլի), այնպես էլ երիտասարդ (Քրիստիան Պուլիշիչ)  ֆուտբոլիստներ:


«Խելքը գլուխն է հավաքել» Մեքսիկայի հավաքականը: «Կանաչների» կազմում վերջին երկու մրցաշարերում տարօրինակ էքպերիմենտներ էին նկատվում` մեկ ճանապարհ էին բացում երիտասարդների համար, մեկ չէին հրավիրում Եվրոպայում հանդես եկող ֆուտբոլիստներին: Այս ամենն երկու դեպքում էլ ավարտվեց խայտառակությամբ` առանց հաղթանակների, ինչը հարիր չէ նման կարգի հավաքականին: Այս տարի մեքսիկացիների կազմը մոտ է լավագույնին, ինչն էլ նշանակում է, որ նրանք կփորձեն վերադառնալ իրենց երբեմնի մակարդակին:


Կոստա-Ռիկայի հավաքականը ՉԼ-ի եզրափակչից հետո զրկվեց իր գլխավոր աստղ` Կեյլոր Նավասից, սակայն այստեղ ևս կան ֆուտբոլիստներ, ովքեր կփորձեն բարձր պահել իրենց երկրի պատիվը: Նրանք են` Խոել Կեմպբելը, Օսկար Դուարտեն, Բրայան Օվիեդոն: Իսկ բոլորիս կողմից սիրելի դարձած «Լեսթերի» ավագ` Ուես Մորգանը, կփորձի հրաշքներ գործել բավականին համեստ Յամայկայի հավաքականի հետ:

Մի խոսքով Ամերիկայի Գավաթ 2016-ը` ինչպես երբեք հարուստ է ինտրիգներով, աստղային հավաքականներով և ֆուտբոլիստներով: Այս տարի ԱՄՆ-ում դիտարժան ֆուտբոլի պակաս չի լինի, այնպես որ, չկորցնեք այդ հնարավորությունը հետևելու այս մրցաշարին:



                                                                                    Միհրան Ալեքսանյան

Ժոզե Մոուրինյո: Թակելով «Երազանքների Թատրոնի» դռները

Անգլիական մի գրանդ ակումբի հետ տապալել մրցաշրջանը և վեց ամիս հետո պայմանագիր կնքել  անգլիական մեկ այլ գրանդ ակումբի հետ, այսպիսի բան կարող էր անել միայն Ժոզե Մոուրինյոն: Հենց այդ պատճառով էլ նա պարոն «Յուրահատուկն» է:

 Ժոզեի ու «Ման. Յունայթեդի» համագործակցությունը շահավետ է երկու կողմերի համար էլ: Երկուսն էլ  գերմոտիվացված են` ֆուտբոլային աշխարհին ապացուցելու համար, որ ուժեղները միշտ էլ վերադառնում են: 

Ցանկացած տեսանկյունից Մոուրինյոյի նշանակումը «Մանչեսթեր Յունայթեդի» համար ձեռնտու է:

Մարկետինգային տեսանկյունից առաջին հերթին պետք է նշել, որ Ժոզե Մոուրինյոյի անունը գրանցված է ինչպես ապրանքանիշ (բրենդ): Հենց դրա պատճառով էր ձգձգվում  պայմանագրի կնքումը: «Կարմիր Սատանաների» ղեկավարությունը քաջ գիտակցում է, որ Չեմպիոնների լիգայից դուրս մնալը վնասել է թիմի բյուջեն: Իսկ Ժոզեի նշանակմամբ մարկետինգային ակտիվությունը մեծ գումարներ կբերի ակումբին: 

Նոր ֆուտբոլիստների հրավիրումը:

Այն, որ Ժոզեն Լուի վան Գաալից ավելի լավ կարող է գրավել համաշխարհային ֆուտբոլի աստղերի ուշադրությունը, կարծում եմ ոչ ոք կասկածի տակ չի առնի: Խոսքերիս ապացույցն են Զլատան Իբրահիմովիչի և «Մանչեսթեր Յունայթեդի» միջև ընթացող բանակցությունները: Իսկ հաշվի առնելով նրանց միջև եղած փայլուն հարաբերությունները` այդ գործարքը կհասնի իր տրամաբանական ավարտին: Ու անկախ մամուլում եղած այն լուրերի, որ Զլատանը պահանջում է բավականին բարձր աշխատավարձ, այդ գործարքը ֆինանսական տեսանկյունից կարող է օգտակար լինել «ՄՅՈՒ»-ի համար: Շվեդ ֆուտբոլիստը կտեղափոխվի ազատ գործակալի կարգավիճակով, իսկ գովազդներից և մարզաշապիկների վաճառքից մեծ գումարներ կապահովի ակումբի համար: Եթե սրան էլ գումարենք Իբրահիմովիչի գերազանց մարզավիճակը` պատկերն ավելի ամբողջական կլինի: 

 Արդեն իսկ շրջանառվում են լուրեր, որ Ժոզեն փորձում է ձեռք բերել այնպիսի ֆուտբոլիստների` ինչպիսիք են Պոլ Պոգբան, Անտուան Գրիզմանը, Ռաֆայել Վարանը: 

Խաղի դիտարժանությունը:

Լուի վան Գաալի օրոք «Մանչեսթեր Յունայթեդի» ցուցադրած խաղը զուրկ էր փայլից: Այն բացի գնդակին տիրելուց ոչ մի այլ բաղադրիչ չուներ: Իսկ Մոուրինյոն ունի իրեն յուրահատուկ խաղային մոդել, որը միշտ իրեն հաջողություն է բերել: Նույնիսկ այն դեպքում, երբ Մոուրինյոյի թիմերը գնդակը հանձնել են մրցակցին և անցել խուլ պաշտպանության, միևնույնն է կարողացել են մի քանի գերազանց հակագրոհներով գեղեցկացնել խաղը: Եվ հետո ֆուտբոլում պետք է գնահատել ոչ միայն հարձակումը, այլ նաև պաշտպանությունը: Իսկ Ժոզեի թիմերը միշտ էլ փայլել են ամուր և կանգուն պաշտպանությունով: 

Երիտասարդների հետ աշխատելու ունակությունը: 

Չգիտեմ թե ինչու, ձևավորվել է թյուր կարծիք, որ Ժոզե Մոուրինյոն չի կարողանում երիտասարդ տաղանդներ հայտնաբերել և համապատասխան կերպով աշխատել նրանց հետ: Այս թեման առանձին և մանրակրկիտ շոշափման կարիք ունի, որից հետո ես խոստանում եմ ձեզ ապացուցել, որ այդ պնդումը իրոք սխալ է: Հետևեք Ֆուտբոլ 365 կայքի լրահոսին, շատ շուտով կանդրադառնանք այդ թեմային: 

Եվ վերջապես հաղթողի հոգեբանությունը

Ժոզե Մոուրինյոն այն մարդն է, ով իր մեծ փորձով կարող է վարակել «Մանչեսթեր Յունայթեդում» հավաքված մեծ թվով անփորձ երիտասարդներին հաղթողի հոգեբանությամբ: 

Հ.Գ. Ժոզե Մոուրինյոն ժամանակին ասել էր. «Եթե «Մանչեսթեր Յունայթեդը» գլխավորելու համար պետք լինի սպասել թեկուզ 20 տարի, ապա ես պատրաստ եմ»: Այսինքն` երազանքների իրականացում «Երազանքների Թատրոնում»:

Գավաթային եզրափակիչների ամփոփում

Մայիսի 21-ին և 22-ին տեղի ունեցան  եվրոպական առաջատար Թոփ 5 առաջնությունների գավաթային եզրափակիչները: Եվ ինչպես  սպասվում էր, բոլոր խաղերում հաղթանակի հասան ֆավորիտները: Անդրադառնանք այդ խաղերին ավելի մանրամասն:



Անգլիա ՖԱ Գավաթ, «Ուեմբլի» մարզադաշտ, «Քրիստալ Փելաս- Ման. Յունայթեդ» 1:2

Պատմության կրկնություն` այս դեպքում մասամբ:

Լուի վան Գաալը «Մանչեսթեր Յունայթեդի» հետ նվաճեց իր առաջին տիտղոսը: Հետաքրքիր զուգադիպություն. Լեգենդար Սըր Ալեքս Ֆերգյուսոնը նույնպես իր առաջին տիղոսը նվաճել է «Քրիստալ Փելասի» դեմ 1990 թվականին կայացած  Անգլիայի գավաթի եզրափակիչ խաղում հաղթանակ տոնելով: Բայց եթե շոտլանդացու դեպքում այդ հաղթանակը  օգնեց նրան պահպանել իր պաշտոնը (1990 թվականին Ֆերգյուսոնը կանգնած էր հեռացման շեմին), ապա հոլանդացու համար նույնն անել հնարավոր է չհաջողվի:
 Անկախ ամեն ինչից, Լուի վան Գաալի «փիլիսոփայությունը» այս անգամ տվեց իր արդյունքը: Թիմերը հանդիպման հիմնական ժամանակում փոխանակվեցին մեկական գնդակներով, որից հետո ավելացված 30 րոպեների ընթացքում «մանկունիացիները» մնալով 10  հոգով այնուամենայնիվ կարողացան  հաղթանակ կորզել`  Ջեսսի Լինգարդի գոլի շնորհիվ:

 Այս մրցաշարում «Մանչեսթեր Յունայթեդը» վերջին անգամ հաջողության հասել էր 12 տարի առաջ: Եվ հնարավոր է, որ վերջին երեք տարիների տապալված մրցաշրջաններից հետո, այս հաղթանակը կկարողանա վերակենդանացնել թիմին` բայց արդեն նոր գլխավոր մարզչի հետ: Ամեն դեպքում Լուի վան Գաալը մեծ աշխատանք կատարեց Մանչեսթերում այս երկու տարիների ընթացքում և  մեծ թվով տաղանդավոր երիտասարդների բացահայտեց: Այնպիսի ֆուտբոլիստներ` ինչպիսիք են Մարկուս Ռեշֆորդը, Ջեսսի Լինգարդը, կարող են դառնալ ոչ միայն «Ման. Յունայթեդի», այլ նաև Անգլիայի ազգային հավաքականի պայծառ ապագան:

Ինչ վերաբերում է «Քրիստալ Փելասին», ապա նրանք առանց այդ էլ «իրենց գլխից բարձր» էին ցատկել` հասնելով մինչև եզրափակիչ: Թիմի գլխավոր մարզիչ Ալան Պարդյուն, (ով ֆուտբոլիստի կարգավիճակով «արծիվների» կազմում մասնակցել է վերոհիշյալ 1990 թվականի եզրափակչին), կարողացել է լավ թիմ հավաքել: Բայց խաղի ելքն արդարացի էր:


ԳԵրմանիայի գավաթ, Բեռլին, «Օլիմպիաշտադիոն», «Բավարիա» - «Բորուսիա Դ» 0:0 հետխաղյա 11 մ-ով` 4:3

Արցունքոտ հրաժեշտ` հաղթական ակորդով

Խոսեպ Գվարդիոլայի վերջին խաղը «Բավարիայի» ղեկին անցավ  գեղեցիկ և վտանգավոր պահերով լի, իսկ ավարտվեց արցունքոտ վերջաբանով: Գվարդիոլան Դուգլաս Կոստայի հաղթական 11մ-ից հետո չկարողացավ զսպել արցունքները: Բայց այս խաղում անկասկած մեզ ավելի շատ հետաքրքրում էր մեր հայրենակից Հենրիխ Մխիթարյանը: Եվ գիտեք հանդիպման ավարտից հետո շատ կարծիքներ հնչեցին, թե Հենրիխը չի կարողանում իրեն լավագույնս դրսևորել կարևոր խաղերում: Պարզապես ցանկանում եմ հիշեցնել այդպիսի կարծիք ունեցողներին, որ մրցաշրջանը մոտենում է ավարտին և ամբողջ մրցաշրջանում հանդես գալ բարձր մակարդակով երբեմն  չի հաջողվում նույնիսկ «այլմոլորակային» Լեո Մեսիին: Հենոն ակտիվ էր հանդիպման ընթացքում, երկու անգամ կարողացավ լրջորեն սպառնալ Մանուել Նոյերի դարպասին. պարզապես Տուխելի ընտրած հակագրոհների մարտավարության պատճառով, ամբողջ «Բորուսիան» իրեն նման չէր` չնայած  ստեղծած մի քանի վտանգավոր պահերի:



Իտալիայի Գավաթ, Հռոմ, «Ստադիո Օլիմպիկո», «Յուվենտուս» - «Միլան» 1:0 (լրացուցիչ ժամանակ) 

«Յուվենտուս» 2x2

Թուրինի «Յուվենտուսը» Ալվարո Մորատայի գոլի շնորհիվ հաղթեց այս խաղում և յուրօրինակ ռեկորդ սահմանեց` դառնալով իտալական առաջին ակումբը, որն երկու տարի անընդմեջ դառնում է առաջնության և գավաթի հաղթող: «Յուվենտուսի» մասին ամեն ինչ պարզ է, իսկ ահա «Միլանի» ապագան շարունակում է մնալ մշուշոտ: «Միլանն» այս խաղում հաղթելու ռեալ շանսեր ուներ: Նոր գլխավոր մարզիչ Քրիստիան Բրոկին կարող էր մրցաշրջանն ավարտել հաղթական նոտայով, սակայն...  Գավաթային եզրափակչում հաղթանակը, միակ ճանապարհն էր Եվրոպա Լիգայի հաջորդ մրցաշրջանում ընդգրկվելու համար, բայց միլանցիները դրանից էլ զրկվեցին:
Երկրորդ տարին անընդմեջ թիմը մնում է առանց  եվրագավաթների: Այնուամենայնիվ, «Միլանի» ներկայիս սեփականատեր Սիլվիո Բեռլուսկոնին  վերջնականապես  որոշել է վաճառել ակումբի բաժնետոմսերը չինացի գործարարներին: Բանակցություններն արդեն ընթացքի մեջ են և միգուցե նոր ներդրումների շնորհիվ թիմը կկարողանա վերելք ապրել:
 Այլապես անընդհատ մարզչական փոփոխություններն ու ազատ գործակալների հավաքագրումը ոչ մի լավ բանի չի հանգեցնի:


Իսպանիայի Արքայական Գավաթ, Մադրիդ, «Վիսենտե Կալդերոն» մարզադաշտ, «Բարսելոնա» - «Սևիլիա» 2:0 (լրացուցիչ ժամանակ)

Գերլարված 120 րոպեներ Մադրիդում

Այս խաղում հաղթանակի հասնելու ավելի մեծ շանսեր ունեին «Սևիլիայի» ֆուտբոլիստները, բայց ինչպես երևում է հոգնածությունը խանգարեց, քանզի հինգ օրվա մեջ խաղալ երկու եզրափակիչ այդքան էլ հեշտ չէ: Միայն հոգնածությամբ կարելի է բացատրել այն, որ մի ամբողջ երկրորդ խաղակես խաղալով թվային առավելությամբ, Ունայ Էմերիի ֆուտբոլիստները չկարողացան հաջողության հասնել:
Ամեն դեպքում «Սևիլիայի» ղեկավարությունը կարող է գոհ լինել իսպանացի մասնագետի կատարած աշխատանքից:
Դե իսկ «Բարսելոնայի» ֆուտբոլիստները գովասանքի արժանի կամք դրսևորեցին, չնայած Սուարեսի և Մասկերանոյի կորուստներին: Առաջին խաղակեսում «Բարսելոնան» մի փոքր կաշկանդված էր գործում, իսկ երկրորդում շեշտը դնելով հակագրոհների վրա, Լուիս Էնրիկեի ֆուտբոլիստները կարողացան քարմիր քարտ «վաստակել»` այս անգամ արդեն մրցակցի ֆուտբիստի համար:  Կարելի է խոսել մրցավարական սխալների մասին, բայց կարծում եմ, որ արդեն շատերն են հասկացել. մրցավարական սխալները խաղի մի մասն են կազմում: Լարված 90 րոպեներից հետո` երբ թիմերը ֆուտբոլիստների թվով հավասարվեցին, «Բարսան» նորից  տիրեց նախաձեռնությանը: Ալբայի և Նեյմարի խփած գոլերին, «Սևիլիայի» ֆուտբոլիստները չկարողացան պատասխանել նույնիսկ վտանգավոր պահերով:
 Արդյունքում «Բարսելոնան» նվաճեց պատմության 28-րդ Արքայական գավաթը:





Ֆրանսիայի Գավաթ, Փարիզ, «Ստադ դե Ֆրանս» մարզադաշտ, « Օլիմպիկ Մարսել» - «ՊՍԺ» 2:4


Զլատան Իբրահիմովիչի բենեֆիսը

Եվրոպական Թոփ 5 երկրների միակ գավաթային եզրափակիչը, որտեղ հաղթողը որոշվեց հանդիպման հիմնական ժամանակում: Այլ կերպ չէր էլ կարող լիներ, քանզի այս խաղին մասնակցում էր անձամբ Զլատան Իբրահիմովիչը: Իսկ եթե ավելի լուրջ, ապա «ՊՍԺ»-ն ինչպես միշտ առանց մեծ դժվարության կարողացավ հաղթանակ տոնել, իսկ օրվա հերոսը դարձավ նույն Զլատան Իբրահիմովիչը` իր հրաժեշտի խաղում դառնալով դուբլի և մեկ գոլային փոխանցման հեղինակ:

 Մարսելի «Օլիմպիկը» փորձեց տապալված մրցաշրջանի ավարտին պատվով դուրս գալ ստեղծված իրավիճակից` սակայն ապարդյուն: Ակումբում մեծ խառնաշփոթ է կապված թիմի ղեկավարների հետ: Ամբողջ Մարսելը բոյկոտում է, իսկ այս խաղից հետո բոլորի համբերության բաժակը լցվեց: Թիմի միակ լուսավոր կետը բելգիացի երիտասարդ հարձակվող Միշի Բաչուային է, ով իդեպ այս խաղում  կարողացավ աչքի ընկնել խփած գոլով:




 ՎԵՐՋԱԲԱՆ


Եվրոպական ակումբային մրցաշրջանն ավարտվեց: Կարծում եմ վերջաբանը լավ ստացվեց, չնայած լի էր հրաժեշտի պահերով: Լուի վան Գաալ, Զլատան Իբրահիմովիչ, Պեպ Գվարդիոլա, Ալվարո Մորատա, նրանք այն մարդիկ են, որոնց համար այս խաղերը դարձան վերջինը իրենց ակումբներում: Տեսնենք թե ուր կտանեն նրանց ճաննապարհները: 


                                                                                 Միհրան Ալեքսանյան

«Oculus Rift» Վիրտուալ աննախադեպ հեղափոխություն սպորտում

Ցանկանու՞մ եք դիտել Անգլիայի ֆուտբոլի ազգային հավաքականի խաղերը «Ուեմբլի» մարզադաշտից` չհեռանալով ձեր բազմոցից, կամ կատարել հաղթական «թաչդաուն» Սուպերբոլում ձեր բակից.
Դա հնարավոր է, ավելի ճիշտ հնարավոր է վիրտուալ կերպով:

Վերջերս հանրությանը ներկայացված նոր սերնդի «Oculus Rift» վիրտուալ իրականության ակնոցները` որոնք թույլ են տալիս օգտագործողին ներխուժել վիրտուալ աշխարհ, այս միտքը գործնականում դարձրեցին իրագործելի:



Վիրտուալ իրականությունը երկար ժամանակ իսկական գլուխկոտրուկ էր համակարգչային տեսախաղերի արդյունաբերության մեջ: 90-ականների սկզբից մի շարք ընկերություններ փորձեցին ստեղծել մի սարք, որը ձեզ կներքաշեր դեպի վիրտուալ աշխարհ: Իսկ արդեն հիմա, այնպիսի ակնոցներ, ինչպիսիք են «Oculus Rift»-ը , «HTC Vive»-ը , «PlayStation VR»-ը , «Samsung Gear VR» -ը թույլ են տալիս լիովին ընկղմվել վիրտուալ իրականության մեջ: Անկախ նրանից հասանելի են դրանք գնման, թե դեռ գտնվում են զարգացման գործընթացում,  միևնույնն է այդ ակնոցներն  էական ազդեցության կունենան համակարգչային տեսախաղերի ոլորտում և ոչ միայն:


Արդեն հիմա պրոֆեսիոնալ մարզիկները օգտագործում են վիրտուալ իրականության տեխնոլոգիաները` որպեսզի բարելավեն իրենց հմտությունները:
 Եվ շատ շուտով սպորտասեր հասարակությունը նույնպես կկարողանա  օգտվել այդ տեխնոլիգիաների պտուղներից և  վայելել սպորտային կենդանի  իրադարձությունները` նույնիսկ չգտնվելով բուն իրադարձության կիզակետում:


Հնարավո՞ր է հետևել սպորտային իրադարձությանը վիրտուալ իրականության տեխնոլոգիայի օգնությամբ


Եթե դուք ունեք պլանշետ կամ սմարթֆոն, ապա դուք արդեն շատ մոտ եք կանգնած նրան, որպեսզի հետևեք սպորտային իրադարձություններին բոլորովին նոր տեսանկյունից:
 Պանորամային տեսախցիկների օգտագործման մակարդակի բարձրացումը թույլ է տալիս «Facebook»-ի կամ «Youtube»-ի օգնությամբ դիտել նյութ` մատի մեկ հպումով փոփոխելով տեսախցիկի օբյեկտիվը կամ հեռախոսի դիրքը: Ձեր սմարթֆոնի էկրանը դառնում է «գաղտնի դուռ» դեպի իրադարձության կուլիսներ:

«Atticus Digital» ընկերությունը «BBC Sport Wales» հեռուստաալիքի համար ստեղծել էր տեսագրություն, որը նկարահանված էր «Պրինսիպալիտի Ստեդիում» մարզադաշտից Ռեգբիի  Վեց Ազգերի գավաթի խաղարկության  ազգային հիմների կատարման ժամանակ` խաղադաշտի կողային գծից:

«Atticus Digital» ընկերության տնօրեն Մարտին Մակկեիբ. «Մենք ցանկանում ենք մարզասերին մոտեցնել իրադարձությանն այնքան, որքան դա հնարավոր է: Նույնիսկ ցանկանում ենք պանորամային տեսախցիկ տեղադրել գլխավոր մրցավարի վրա: Կարծում եմ դա հետաքրքիր նորամուծություն կլինի»: 

Բայց ոչ մի իրադարձություն դեռևս հասանելի չէ իրական ժամանակում: Ամեն ինչ նկարահանված է լինում նախապես: Սակայն ամենից շատ օգտագործողը ցանկանում է հետևել սպորտին ուղիղ եթերում` վիրտուալ տեղ զբաղեցնելով մարզադաշտում:

Տեսականորեն դուք կարող եք վճարել «Օլդ Տրաֆորդ» մարզադաշտում հանրահայտ «Սթրեթֆորդ Էնդ» տրիբունայում տեղ զբաղեցնելու համար` չհեռանալով ձեր տանից:


Պրոֆեսոր Էնդի Միխ Սոլֆորդի համալսարանի նոր տեխնոլոգիաների փորձագետ. «Վիրտուալ իրականությունը նոր տնտեսական հնարավորություններ է ստեղծում սպորտային ակումբների համար, ինչի շնորհիվ կազմակերպությունները կգտնեն ճանապարհներ դրանից օգտվելու համար: Վիրտուալ դաշտը ստեղծողների համար սա նոր եկամտի աղբյուր է` քանի որ գրավում է մի շարք հովանավորների ուշադրությունը: Կարճ ասած վիրտուալ իրականությունը հզոր օգնական է տնտեսական ազդեցության մեծացման գործում»:


Ե՞րբ այս ամենը տեղի կունենա 


Այստեղ կարծիքները տարբեր են: Վիրտուալ իրականության տեխնոլոգիան բավականին թանկ է և պահանջում է գերհզոր համակարգիչ` բարձր տեխնիկական հատկություններով:
 Էնդի Միխ. «Ես իսկապես մտածում եմ, որ դա տեղի կունենա ամենաշատը հինգ տարի հետո: Հնարավոր է նաև հաջորդ երկու տարիների ընթացքում: Սարքավորումը մեծ է և ընդարձակ, ու բացի այդ, դժվար թե դուք ցանկանաք անցկացնել 90 րոպե վիրտուալ իրականության ակնոցներով: Բայց երբ դրանք դառնան ավելի հարմարավետ և մատչելի` մարդիկ ամենայն հավանականությամբ կսկսեն գնել դրանցից»:

Էնդի Միխը կարծում է, որ առաջիկա երեք տարիների ընթացքում շատ մարդիկ մուտք կունենան դեպի վիրտուալ իրականություն , իսկ Դերեք Բելչը («Strivr» վիրտուալ իրականության  մարզումային գործընթացի համար նախատեսված համակարգի ստեղծողը), թերհավատորեն է մոտենում այս հարցին.

 «Ես այդքան էլ չեմ կիսում այդ կարծիքը: Ես մտածում եմ, որ մի օր այդ ամենը կդառնա հնարավոր: Տեսախցիկներրը շատ հեռու են և չեմ կարծում որևէ մեկը կցանկանա երկու ժամ անցկացնել այդ ակնոցներով»:

«VR Beyond Sports» ընկերության տնօրեն Սանդեր Ջեյ Շոուտենը նշում է, որ ավելի շահավետ է ասիական շուկան, քանզի նրանցից շատերը հնարավոր է երբեք հնարավորություն չունենան ներկա գտնվելու այս կամ այն եվրոպական սպորտային մրցաշարերին: Հենց այս հանգամանքն էլ կխթանի վիրտուալ ակնոցների մեծաքանակ վաճառքին:


Ինչպե՞ս այն կօգնի ֆուտբոլիստներին

Սպորտում  վիրտուալ իրականության տեխնոլոգիաների օգտագործումը բոլորովին էլ նոր երևույթ չէ:
2014 թվականի Աշխարհի Առաջնության ժամանակ Լուի վան Գաալի գլխավորած Հոլանդիայի հավաքականը փորձարկեց հոլանդական «Beyond Sports» ընկերության կողմից ստեղծված համակարգը: Դրա շնորհիվ ֆուտբոլիստները հագնելով հատուկ ակնոցներ, կարողանում էին իրենց վրա զգալ խաղի առանձին դրվագները: Այս համակարգի շնորհիվ նրանք կարող են ճիշտ որոշումներ կայացնել արդեն խաղադաշտում` չկրկնելով նախկին սխալները: Օրինակ` պետք էր արդյո՞ք տվյալ դրվագում փոխանցել աջ, թե ոչ: Այս համակարգի շնորհիվ կրճատվում է որոշումներ ընդունելու ժամանակը, բացի այդ, այն օգնում է մարզիչներին ավելի հեշտ հասցնել իրենց մտքերը ֆուտբոլիստներին:

Հոլանդական երկու ակումբներ` «ՊՍՎ Էյդհովենն» ու «ԱԶ Ալկմարը»  նույնպես օգտվում են այս նորարարությունից: Կան նաև շատ օգտատերեր, որոնք չեն ցանկացել հրապարակել իրենց անունները:

   Սանդեր Ջեյ Շոուտեն. «Դու նստած ես աշխատասենյակում կամ սրճարանում  և գիտես թե ինչ է կատարվում այնտեղ հենց հիմա: Ֆուտբոլիստների համար շատ կարևոր է ունենալ տարածության զգացում խաղադաշտում: Այդ ակնոցներով կարելի է նույնիսկ մարզումներ անցկացնել»:


Ինչպե՞ս է այն աշխատում


«Beyond Sports» համակարգը օգտագործում է խաղադաշտում տեղակայված բոլոր տեսախցիկների և ֆուտբոլիստների ֆիզիկական տվյալների համադրությունը, որպեսզի վերարտադրի խաղային դրվագները: Դա նման է FIFA կա PES  համակարգչային խաղերին:

Բայց արդյո՞ք այն օգնում է ֆուտբոլիստներին

 Սանդեր Ջեյ Շոուտեն «Կարծես թե այո: Դու իսկապես քեզ զգում ես խաղադաշտում, քանի որ, նույնիսկ երբ պտտվես կտեսնես դարպասապահին:Հենց այդ պատճառով էլ այս տեխնոլոգիան շատ օգտակար է մարզումային ծրագրերի ժամանակ: Դու կարող ես ընտրել կոնկրետ դրվագ և մանրամասն ներկայացնել ֆուտբոլիստին` բացատրելով թե նա որ դեպքում ի՞նչ սխալ է թույլ տվել»:


Օգտագործվու՞մ է այս տեխնոլոգիան այլ սպորտաձևերում

Ֆուտբոլը դեռևս  լիովին չի գնահատել վիրտուալ իրականության  հնարավորությունները, այն դեպքում երբ ամերիկյան ֆուտբոլը զգալի առաջընթաց է ապրել այս ոլորտում:

Երեք տարի առաջ, երբ Դերեք Բելչը դեռևս Սթենֆորդի համալսարանի թիմի մարզիչն էր, որպես իր մարզումային ծրագրի բաղկացուցիչ մաս մշակել  էր «Strivr» համակարգը:
«Դալաս Կովբոյսը» ՆՖԼ-ի առաջին ակումբն էր, որն օգտագործեց այս համակարգը: Այժմ այդ թիմերը վեցն են` չհաշված 12 համալսարանական թիմերը:
Ինչպես հասկացաք գնալով օգտատերերի թիվը մեծանում է:

Կան դրվագներ, որոնք ավելի քան 50 անգամ փորձարկվել են հենց այս համակարգի շնորհիվ: Ամերիկյան ֆուտբոլում իրական մարզումներն այնքան էլ արդյունավետ չեն լինում, իսկ ահա «Strivr» համակարգի շնորհիվ թիմերը կարող են բարելավել տակտիկական հմտությունները:

Փաստացի այս համակարգը ավելի շատ օգտագործվում է ամերիկյան ֆուտբոլում և բեյսբոլում, երևի թե այն պատճառով, որ այս երկու մարզաձևերում ավելի շատ շեշտը դրվում է ստատիկ վիճակի վրա` ի տարբերություն ֆուտբոլի, որտեղ ամեն ինչ ավելի բարդ է: Բացի այդ, այս համակարգի ստեղծողները դեռ չեն կարողացել լուծել վիրտուալ աշխարհում տեղաշարժվելու խնդիրը` հատկապես օգտագործողի համար  առանց  կողմնակի ազդեցությունների:


Ի՞նչ պետք է իմանալ վիրտուալ իրականության տերմինաբանության մասին

Վիրտուալ իրականություն- տեխնոլոգիա, որը թույլ է տալիս օգտագործողին ներդնել համակարգչային վիրտուալ իրականության կամ իրական իրավիճակի մեջ, որը հիմնված է պանորամային տեսախցիկների  տեսագրությունների հիման վրա: Դրանք թույլ են տալիս փոփոխել թեքման անկյունն ու աստիճանը:

Պանորամային վիդեո- տեսագրություն, որն  արված է մի հարթության մեջ և  թույլ է տալիս ստանալ ամբողջական համայնապատկեր` հիմնվելով մի քանի տեսախցիկների տվյալների հիման վրա:

Սպասման ժամկետ- գործողության և պատասխանի միջև ընկած ժամանակահատվածը:

Երկալիքային ձայն- Տեխնոլոգիաները ստեղծում են ձայն, որը կարծես պարուրում է օգտատիրոջն` այլ ոչ թե հնչում  նրա գլխում: Փորձեք փակել աչքերը և միաժամանակ լսել երկու աղբյուրից լսվող ձայներն ու կհասկանաք թե ինչի մասին է խոսքը:


Սոցիալական փորձի վերաբերյալ

Եթե մինչ այս վիրտուալ իրականությունը մեզ համար ասոցացվում էր անհավանականության հետ, ապա հիմա դրա ապագան կապված է սոցիալական փորձի հետ: Դուք կարող եք նստել վիրտուալ ասպարեզում և նույնիսկ շփվել այնպիսի մարդկանց հետ, ովքեր նույնպես որոշել են վիրտուալ կերպով ներկա գտնվել տվյալ վայրում:

Հ.Գ. Այս նյութը պատրաստելուց հաճելիորեն զարմացա նորագույն տեխնոլոգիաների անսահման մեծ հնարավորություններից, սակայն անձամբ ես չէի  ցանկանա, որ այն կիրառվեր անչափահասների մասնակցությամբ սպորտաձևերում: Պետք չէ մանկուց նրանց «հարմարացնել» ռոբոտի կարգավիճակին:



                                                                                     Միհրան Ալեքսանյան

Լուիս Սուարես. Վերջ Մեսսիի և Ռոնալդուի հեգեմոնիային

Կատալոնական «Բարսելոնան» Իսպանիայի ընթացիկ առաջնության վերջին տուրում հյուրընկալվելիս 0:3 հաշվով հաղթանակ տարավ «Գրանադայի» նկատմամբ և հռչակվեց երկրի չեմպիոն: Այդ խաղում իր հերթական հետ-տրիկը ձևակերպեց «Բարսելոնայի» և Ուրուգվայի ազգային հավաքականի հարձակվող Լուիս Սուարեսը:

 Վերջինս 38 խաղերից հետո խփել է 40 գոլ, որը լավագույն ցուցանիշն է եվրոպական Թոփ-5 առաջնություններում: Սուարեսը երրորդ ֆուտբոլիստն է Լա Լիգայի պատմության մեջ, ով  մեկ մրցաշրջանում դառնում է 40 գոլի հեղինակ: Մյուս երկուսը` Մեսսին և Ռոնալդուն:
 Դեռևս երկու տարի առաջ, եթե  երկրպագուներին հարցնեին` հավատում եք արդյո՞ք, որ որևէ ֆուտբոլիստ խաղալով Մեսսիի և Ռոնալդուի ժամանակաշրջանում, կկարողանա գերազանցել նրանց, կարծում եմ բոլորը միաբերան կպատասխանեին ո՛չ, դա անհնար է: Բայց արի ու տես, որ լավ էլ հնարավոր է: Եվ այդ ֆուտբոլիստը Լուիս Սուարեսն է:

Ես դեռևս 2013-2014 թթ մրցաշրջանից հետևում եմ Սուարեսի խաղին: Տվյալ տարին Սուարեսի համար լավ չսկսվեց: 2013 թվականի ապրիլի վերջին «Չելսիի» պաշտպան Բրանիսլավ Իվանովիչին կծելու համար Սուարեսը որակազրկվեց 10 խաղով, ինչը նշանակում էր, որ նա պետք է բաց թողներ այդ  մրցաշրջանի վերջին և հաջորդ մրցաշրջանի մեկնարկային 5 հանդիպումները: Միգուցե ծիծաղելի թվա, բայց հենց այդ որակազրկումը խթանեց Սուարեսի այսպիսի առաջխաղացմանը: Ճիշտ է, դրանից հետո եղավ նաև 2014 թվականի Աշխարհի առաջնության տհաճ միջադեպը` Ջորջիո Կյելինիի հետ, սակայն այդ ժամանակ Սուարեսը մեկնել էր Բրազիլիա արդեն աստղի կարգավիճակով:

 Ինչևէ, վերադառնանք 2013-2014 մրցաշրջանին: Բաց թողնելով մեկնարկային 5 հանդիպումներն, ուրուգվայցին մրցաշրջանի արդյունքներով կարողացավ խփել 31 գնդակ: Պրեմիեր Լիգայի ավելի քան 20-ամյա պատմության մեջ նման հաջողության հասել էին Ալան Շիրերն ու Կրիշտիանու Ռոնալդուն:
Ինչպես և Անգլիայում, այնպես էլ Իսպանիայում, Սուարեսը կարողացավ հավասարվել և ինչու չէ շրջանցել համաշխարհային ֆուտբոլի «դեմքերին»: Կարծում եմ Լուիս Սուարեսի հաջողությունների գրավականն անսպառ կիրքն է դեպի ֆուտբոլը: Անկեղծ ասած ես դեռևս չեմ տեսել մի ֆուտբոլիստի, որը ավելի մեծ խանդավառությամբ կխաղա ֆուտբոլ` քան Լուիս Սուարեսը: Նա կարծես երեխա լինի: Երբ հաղթում է մանկան պես հրճվում է, իսկ երբ ճաշակում է պարտության դառնությունը` տխրում է ինչպես  պատժված  փոքրիկ երեխան:

Լուիս Սուարեսն իդեալական օրինակ է այն բանի, որ ցանկացած անկումից կարելի է նորից վերև բարձրանալ: Նրա դեպքում բարձունքը մեղմ է ասված: Այս պահի դրությամբ Լուիս Սուարեսն առաջ է ժամանակակից ֆուտբոլի «աստվածներ» Կրիշտիանու Ռոնալդուից և Լիոնել Մեսսիից: Որքան էլ որ,  մի շարք երկրպագուներ ինձ հետ չհամաձայնեն միևնույնն է. ինձ համար Լուիս Սուարեսը վերջ դրեց Մեսսիի և Ռոնալդուի հեգեմոնիային:



                                                                                        Միհրան Ալեքսանյան

Դիդյե Դեշամի անհասկանալի հավաքականը

Չլինելով ֆուտբոլի Ֆրանսիայի ազգային հավաքականի մոլի երկրպագու` միևնույնն է համակարգչի առջև նստած սպասում էի, թե ի՞նչ կազմ կհրապարակի Դիդյե Դեշամը տնային ԵՎՐՈ-ի համար: Եվ այն պահին, երբ տեսա 23 ֆուտբոլիստներից բաղկացած ցանկը` պարզապես ապշեցի: Խնդրեմ ուսումնասիրեք նաև դուք:

Բոլոր դիրքերում կա ամենաքիչը մեկ մեղմ ասած տարօրինակ որոշում Դիդյե Դեշամի կողմից:

1) Ինչու՞ «ծաղրածու» դարձած Էլյակիմ Մանգալան, այլ ոչ թե երիտասարդ, հեռանկարային Սամուել Ումտիտին:

Էլյակիմ Մանգալայի մասին խոսելը նույնիսկ ավելորդ եմ համարում, քանզի վերջին երկու տարիներին ֆրանսիացու խաղը «Մանչեսթեր Սիթիում» նույնիսկ հույսի նշույլ չի առաջացնում, որ նա մի օր կկարողանա համապատասխանել Ֆրանսիայի հավաքականի մակարդակին:

Իսկ Սամուել Ումտիտին ֆրանսիական «Լիոնի» կազմում վերջին տարիներին իրոք զարմացնում է: Այս մրցաշրջանում 22-ամյա երիտասարդը մասնակցել է 29 հանդիպման և դարձել 1 գոլի հեղինակ: Ումտիտիի թիմը անցկացրած 37 խաղերում բաց է թողել 39 գոլ` որն առաջնության 20 թիմերի մեջ 5-րդ ցուցանիշն է: Բացի այդ նա ունիվերսալ ֆուտբոլիստ է, կարող է հանդես գալ և՛ կենտրոնում, և՛ ձախ եզրում:



2 Կիսապաշտպանության գիծը

Այստեղ կային տարբերակներ` օրինակ Յոհան Կաբայի փոխարեն Ադրիեն Ռաբիո կամ Մորգան Շնեյդերլին: Սակայն հաշվի առնելով, որ այս նշված ֆուտբոլիստներն ավելի պաշտպանողական ֆունկցիաներ են կատարում, ապա կարելի է հասկանալ Դեշամին, որովհետև նրա թիմում ընդգրկված են այս մրցաշրջանում Եվրոպայի լավագույն հենակետային կիսապաշտպանները` հանձինս Անգլիայի նորընծա չեմպիոն Նգոլո Կանտեի և Մարսելի «Օլիմպիկի» ֆուտբոլիստ Լասանա Դիարայի:
 Իսկ հիմա Դիդյե Դեշամի ամենաանհասկանալի որոշումների մասին.

Ինչպես հասկացաք 23 հոգուց բաղկացած հայտացուցակից բացակայում էին ֆրանսիական «Նիցցայի» հարձակողական ոճի կիսապաշտպան Հատեմ Բեն-Արֆան` ով պարզապես փայլում է այս մրցաշրջանում, և իսպանական «Սևիլիայի» հարձակվող Կևին Գամեյրոն: Վերջինիս փոխարեն Դիդյե Դեշամը նախապատվությունը տվել է մեքսիկական «Տիգրեսի» հարձակվող Անդրե-Պիեր Ժինյակին:

Կևին Գամեյրոն այս մրցաշրջանից առաջ հայտարարել էր, որ կաշվից դուրս է գալու որպեսզի տեղ գտնի Ֆրանսիայի հավաքականի հայտացուցակում, քանի որ, չի ցանկանում տնային ԵՎՐՈ 2016-ին հետևել տանը բազմոցի վրա նստած:
 Գամեյրոն Լա Լիգայի 31 խաղում դարձել է 16 գոլի և 5 գոլային փոխանցման հեղինակ, իսկ Եվրոպա Լիգայի 8 խաղում` 7 գոլի և 2 գոլային փոխանցման հեղինակ: Եվ եթե այսպիսի վիճակագրություն ունեցող ֆուտբոլիստը չի հրավիրվում հավաքական, ապա մնում է միայն մտածել, որ պատճառն անձնական բնույթի է: Անձամբ ես ոչինչ չունեմ Անդրե-Պյեր Ժինյակի դեմ, որն իդեպ նույնպես լավ մրցաշրջան է անցկացնում և դարձել է Մեքսիկայի առաջնության լավագույն ռմբարկու` 16 գոլ հեղինակելով, սակայն համաձայնվեք, որ եվրոպական ֆուտբոլի մակարդակն անհամեմատելի է Մեքսիկայի առաջնության մակարդակի հետ:

 Եվ վերջապես  Հատեմ Բեն Արֆայի մասին: Մի փոքր վիճակագրություն` 33 խաղ-17 գոլ-6 գոլային փոխանցում: Ինչպես վերևում նշեցի թիմում հենակետային գոտին ամուր է, սակայն ստեղծագործ ֆուտբոլիստներից կիսապաշտպանությունում կարելի է առանձնացնել միայն Պոլ Պոգբային: Բեն Արֆան կարող էր բազմազանություն հաղորդել Ֆրանսիայի հավաքականին` խաղալով ենթահարձակվողի դիրքում:

 Այս մրցաշրջանում «Նիցցայում» նա հիմնականում խաղում էր հենց այդ դիրքում, սակայն անհրաժեշտության դեպքում կարող է նաև լավ հանդես գալ հարձակման գծում:
  Հայտացուցակից դուրս թողնելով այսպիսի ֆուտբոլիստների, Դիդյե Դեշամը ռիսկի է դիմում տապալել տնային ԵՎՐՈ 2016-ը:

Հ.Գ. Կարող եք գրել ձեր կարծիքը այս հոդվածի վերաբերյալ մեկնաբանությունների դաշտում: Հետաքրքիր կլինի իմանալ մյուս ֆուտբոլասերների կարծիքը այս ամենի վերաբերյալ:





                                                                                  Միհրան Ալեքսանյան

Նգոլո Կանտե. «Լեսթերի» խաղի հիմքն ու շարժիչ ուժը

 «Լեսթերի» սենսացիոն չեմպիոնությունը անհնար կլիներ առանց նրա: Նա ունի բոլոր որակները համարվելու աշխարհի լավագույն հենակետային կիսապաշտպանը:

Պրեմիեր Լիգայի այս մրցաշրջանի լավագույն ֆուտբոլիստի քվեարկության արդյունքներով «Լեսթերի» ֆրանսիացի կիսապաշտպան Նգոլո Կանտեն զբաղեցրել էր երրորդ հորիզոնականը` զիջելով միայն իր թիմակիցներ Ռիհադ Մահրեզին և Ջեյմի Վարդիին: Անկախ այս քվեարկության արդյունքներից, Կանտեն համարվում է այս մրցաշրջանի լավագույն ձեռքբերումը: Նախորդ ամռանը  «Լեսթերը» 5,6 մլն ֆունտ էր ծախսել  Կանտեի տրանսֆերը  գնելու համար: Փորձենք վերլուծել Կանտեի գործողությունները վիճակագրության օգնությամբ:

 Ցանկացած թիմ լավը դառնալու համար պետք ունենա կայուն հիմք: «Լեսթերի» դեպքում այդ հիմքը հենց ֆրանսիացի 25-ամյա Նգոլո Կանտեն է: Շատերը կարող են առարկել ասելով, որ Կալուդիո Ռանիերիի թիմի խաղը հիմնված է Վարդիի և Մահրեզի անհատական գործողությունների վրա, սակայն չնկատել Կանտեի ահռելի մեծ ծավալի աշխատանքը խաղադաշտում` անարդար կլինի:

«Լեսթերի» սկաուտական ծառայության բաժնի ղեկավար Ստիվ Ուոլշը  Կալուդիո Ռանիերիի ակումբ գալու օրվանից փորձում էր համոզել իտալացի մասնագետին գնել ֆրանսիական «Կան» ակումբի կիսապաշտպան Նգոլո Կանտեին: Այս մասին խոստովանել է անձամբ Ռանիերին` նշելով, որ Ստիվ Ուոլշն ավելի շատ էր ցանկանում գնել Կանտեին, քան ինքը: 

 Ռանիերին վստահ չէր, որ Կանտեի փափկությունը կհամապատասխանի ֆիզիկապես պինդ անգլիական ֆուտբոլին: Բայց Ստիվ Ուոլշի հաստատակամությունը տվեց իր պտուղները: 5,6 մլն ֆունտ արժողությամբ գործարքը մնաց ստվերում` հաշվի առնելով անգլիական ակումբների խելահեղ չափերի հասնող ծախսերը, իսկ «Լեսթերի» նորեկը միանգամից գրավեց թիմի գլխավոր մարզչի ուշադրությունը:

«Երբ ես առաջին անգամ ժամանեցի մարզումային բազա և տեսա իմ ֆուտբոլիստների բարձր մակարդակը` հասկացա թե ինչքան լավը կարող են նրանք դառնալ: Այդ ֆրանսիացին` Կանտեն, այնպես արագ էր վազում, որ ինձ թվաց թե նրա կիսավարտիքների մեջ պահված է մի քանի մարտկոց: Նա մարզումների ժամանակ  երբեք չէր դադարում վազել: Մի անգամ ես ասեցի նրան,- հեյ Նգոլո, դանդաղի՛ր, պետք չէ անընդհատ վազել, իսկ նա պատասխանեց` եղավ բոսս, հասկացա: Անցավ 10 վարկյան և Կանտեն նորից սլանում էր ամբողջ խաղադաշտով: Այդ ժամանակ ես նրան ասացի. կգա մի օր, երբ դու եզրից փոխանցում կկատարես մրցակցի տուգանային հրապարակ և ինքդ էլ գլխի հարվածով  կեզրափակես այն»,- խոստովանում է Կլաուդիո Ռանիերին:

Արգելակել բառը խորթ է Նգոլո Կանտեի համար: Այս մրցաշրջանի 29 խաղերից 19-ում նա իր թիմակիցներից ավելի շատ է վազել: Բացի այդ, թիմում նա առաջին տեղն է զբաղեցնում նաև հաղթահարած տարածության և արագացումների առումով: Նմանատիպ աշխատասիրությունը անգնահատելի է մի թիմի համար, որը միջինը մեկ խաղում գնդակին տիրում է խաղային ժամանակի գրեթե 40 %-ի չափով: Իսկ Ռանիերին կարող է չնեղսրտել Կանտեի փոքրամարմին լինելու առումով, ընդհակառակը, Նգոլո Կանտեն բնության հրաշք է: Կիսապաշտպան`1.69 սմ հասակով, սովորաբար ամենացածրահասակ ֆուտբոլիստն է լինում խաղադաշտում, սակայն նրա խիզախությունը բարձրացնում է «Լեսթերի» մարտական ոգին:

Վիճակագրությունը ցույց է տալիս գնդակը վերադարձնելու նրա անհագ ցանկությունը: Կանտեն  բոլորից շատ է կասեցրել մրցակցի գրոհներն ու գնդակներ խլել: 

Կանտեի ներդրումը թիմի պաշտպանական գործողություններում առանցքային դեր ունի «Լեսթերի» համար` որի խաղը հիմնված է գնդակներ խլելու և արագ հակագրոհների վրա: Այստեղից հետևություն, որ առանց հանճար Կանտեի, Ջեյմի Վարդին ու Ռիհադ Մահրեզը պարզապես հնարավորություն չէին ունենա այդքան շատ գոլեր հեղինակելու:

Նգոլո Կանտեն նաև հիանալի ստեղծագործ է: Փոխանցումների ճշգրտությամբ, ֆրանսիացին «Լեսթերում» իրեն հավասարը չունի (81.3 %): Կիսապաշտպանության գծում իր խաղընկեր Դանի Դրինկուոտերը նախընտրում է խաղալ երկար փոխանցումներով` դեպի Վարդին և Մահրեզը, իսկ ահա Կանտեն սիրում է միայնակ առաջ տանել գնդակը: Հենց Կանտեի հաջող գործողություններից են ծնվել «Լեսթերի»  խփած գոլերի առյուծի բաժինը: Մի խոսքով Նգոլո Կանտեն խաղադաշտում անում է բացառապես ամեն ինչ, այդ իսկ պատճառով էլ խաղընկերներն իրեն պաշտում են:

Նգոլո Կանտեն դարձել է Եվրոպայի լավագույն կիսապաշտպաններից մեկը և նույնիսկ հասցրել է նորամուտը նշել Ֆրանսիայի ազգային հավաքականում` դառնալով գոլի հեղինակ: Զարմանալի չէ, որ Սըր Ալեքս Ֆերգյուսոնը Կանտեին անվանել է այս մրցաշրջանի լավագույն խաղացող: 

Չի կարելի չգնահատել Վարդիի և Մահրեզի անհատական որակները, սակայն նրանք երկուսն էլ մրցաշրջանի ընթացքում երբեմն թերացան: Վարդին դեկտեմբեր-հունվար ամիսների ընթացքում 7 խաղ չէր կարողանում գոլի հեղինակ դառնալ, իսկ Մահրեզի մարզավիճակը վատացավ մրցաշրջանի երկրորդ հատվածում: Կանտեն ընդհակառակը` կայունության մարմնավորում է:

Այնպես որ, եթե «Լեսթերը» չկարողանա թիմում պահել Կանտեին, ինչը շատ հնարավոր է` հաշվի առնելով մի շարք գրանդ ակումբների հետաքրքրությունն, ապա հաջորդ մրցաշրջանում Կլաուդիո Ռանիերին կկանգնի փաստի առաջ:


                                                                                                                  Միհրան Ալեքսանյան